മദ്യപിച്ച വിദേശവനിതയുടെ പേക്കൂത്ത് നിര്ത്താന് പൊലീസുകാരും നാട്ടുകാരും പാടുപെട്ടു
ബാംഗ്ലൂര് നഗരത്തില് മദ്യപിച്ച വിദേശവനിത ഒരു പ്രദേശത്തെ തന്നെ സ്തംഭനത്തിലാക്കി. ഇവരെ അനുനയിപ്പിക്കാനെത്തിയ പൊലീസിനു നേരെ അസഭ്യവര്ഷവും ആക്രമണവും ആരംഭിച്ചതോടെ പൊലീസും വെട്ടിലായി. ഇന്നലെ വൈകിട്ട് ഉപ്പര്പേട് പൊലീസ് സ്റ്റേഷന് പരിധിയിലെ നാഷണല് മാര്ക്കറ്റിലായിരുന്നു 24കാരി മരിയ എന്ന നൈജീരിയന് യുവതിയുടെ പ്രകടനം. യലഹന്ക റേവ കോളജിലെ എംബിഎ വിദ്യാര്ഥിനിയാണ് യുവതിയെന്ന് പൊലീസ് പറഞ്ഞു.
മൊബൈല് ഫോണ് വാങ്ങാന് ഒരു കടയിലെത്തിയ യുവതി കടക്കാരനു നേരെ ആക്രമണം അഴിച്ചു വിടുകയും ഗ്ലാസുകള് തല്ലപ്പൊട്ടിക്കുകയും ചെയ്തതോടെയാണ് പൊലീസിനെ വിളിച്ചു വരുത്തിയത്. ഇതോടെ കൂടുതല് അക്രമാസക്തയായ യുവതിയെ കീഴടക്കാന് പൊലീസ് നന്നെ പാടുപെട്ടു. ഇവരെ പരിശോധനയ്ക്ക് ആശുപത്രിയില് എത്തിച്ചതോടെ അവിടെവച്ച് പൊലീസിനും ഡോക്ടര്ക്കും നേരെ ആക്രമണം അഴിച്ചു വിട്ടു.
വലിയ കമ്പിളി യുവതിയുടെ പിന്നിലൂടെ വന്ന് ശരീരത്തിട്ട് നിലത്തു വീഴ്ത്തിയാണ് യുവതിയെ കീഴ്പെടുത്തിയത്. ഇതിനിടെ കൈകള് കൂട്ടിക്കെട്ടാന് പൊലീസ് ശ്രമിച്ചെങ്കിലും പരാജയപ്പെട്ടു. സംഭവത്തില് പൊലീസിന് പരാതികളൊന്നും ലഭിച്ചിട്ടില്ലെങ്കിലും ഐപിസി സെക്ഷന് 41എ, 24, 504 പ്രകാരം കേസുകളെടുത്തിട്ടുണ്ട്. ഇവരുടെ പാസ്പോര്ട്, വീസ തുടങ്ങിയ വിവരങ്ങള് പരിശോധിക്കുകയാണെന്ന് പൊലീസ് അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha