വാടക ഗര്ഭധാരണത്തിലൂടെ ജനിച്ച കുഞ്ഞ് അനാഥാലയത്തിലേയ്ക്ക്?
വാടക ഗര്ഭധാരണത്തില് ഇന്ത്യയില് ജനിച്ച കുഞ്ഞിനെ ബ്രിട്ടനിലേക്കു കൊണ്ടു പോകാനുള്ള കുഞ്ഞിന്റെ ബ്രിട്ടീഷ് പാസ്പോര്ട്ട് ബ്രിട്ടീഷ് എംബസി അനുവദിക്കാത്ത സാഹചര്യത്തില് കുഞ്ഞിനെ അനാഥാലയത്തില് ആക്കാനാണ് ദമ്പതികളുടെ തീരുമാനം. മെഡിക്കല് വിസയില് മുംബൈയിലെത്തിയതാണ് ബ്രിട്ടീഷ് ദമ്പതികളായ ക്രിസ് ന്യൂമാനും മിഷേല് ന്യൂമാനും. വിസയുടെ കാലാവധിയാവട്ടെ ഒക്ടോബര് ഏഴിന് അവസാനിക്കുകയും ചെയ്യും. ഇവരുടെ മൂന്നു മാസം പ്രയമുള്ള മകള് ലില്ലിക്ക് ആവശ്യമായ യാത്രാ രേഖകള് പെട്ടെന്നു നല്കാന് സാധിക്കില്ല എന്ന നിലപാടിലാണ് ബ്രിട്ടീഷ് എംബസി.
വാടക ഗര്ഭധാരണത്തിന് നിരോധനമുള്ള ബ്രിട്ടനില് നിന്ന് കുഞ്ഞിനു വേണ്ടിയാണ് ന്യൂമാന് ദമ്പതികള് ഇന്ത്യയിലെത്തിയത്. ആഗസ്തില് വാടകഗര്ഭധാരണത്തിന് നിയന്ത്രണമേര്പ്പെടുത്തിയ ഇന്ത്യയില് അത്തരത്തില് എത്തുന്ന അവസാനദമ്ബതികളാകും ഇവര്.
ദിവസം മുഴുവന് തന്റെ കുഞ്ഞിനു വേണ്ടി അനാഥാലയങ്ങള് കയറിയിറങ്ങേണ്ട ഗതികേടിലാണ് ക്രിസിപ്പോള്. ഒരച്ഛനും നേരിടാത്ത ധര്മ സങ്കടത്തിലാണ് താനെന്നാണ് ക്രിസ് പറയുന്നു.
ആവശ്യമായ പരിശോധനകള്ക്കും അന്വേഷണങ്ങള്ക്കും ശേഷം കുഞ്ഞിന്റെ പാസ്പോര്ട്ട് അനുവദിക്കാനുള്ള നടപടികള് സ്വീകരിക്കുമെന്നാണ് യു.കെ.യിലെ ആഭ്യന്തര വകുപ്പ് അറിയിച്ചിരിക്കുന്നത്. കുട്ടിയുടെ ബ്രിട്ടീഷ് പൗരത്വം സംബന്ധിച്ചുള്ള അപേക്ഷയും പരിഗണയിലാണെന്നാണ് അവര് പറയുന്നത്.
എന്തായാലും ഡി.എന്.എ. ടെസ്റ്റുള്പ്പെടെയുള്ള പരിശോധനകള് പൂര്ത്തിയായാല് മാത്രമെ ലില്ലിയെ ബ്രിട്ടനിലേക്ക് കൊണ്ടുപോകാന് ബ്രിട്ടണിലെ സറേ സ്വദേശികള്ക്ക് സാധിക്കൂ. അതു വരെ തങ്ങളുടെ കുഞ്ഞിനെ ഏതെങ്കിലും അനാഥാലയത്തിലാക്കേണ്ടി വരുമെന്ന വിഷമാവസ്ഥയിലാണ് ദമ്പതികള്.
https://www.facebook.com/Malayalivartha
