കോടതി വിധിക്കെതിരായ ഫെയ്സ്ബുക്ക് പരാമര്ശം; മാപ്പപേക്ഷിച്ച് ഹൈക്കോടതി അഭിഭാഷകന് ഹരീഷ് വാസുദേവന്
പത്ത് വയസ്സുകാരിയെ പീഡിപ്പിച്ച കേസുമായി ബന്ധപ്പെട്ട് നടത്തിയ ഫെയ്സ്ബുക്ക് പരാമര്ശത്തില് ഖേദം പ്രകടിപ്പിച്ച് ഹൈക്കോടതി അഭിഭാഷകനായ ഹരീഷ് വാസുദേവന്. കേസില് ഹൈക്കോടതയില് നടന്ന വാദത്തെ പറ്റിയും വിധിയെപ്പറ്റിയും വസ്തുതകളോ ക്രിമിനല് നിയമവശങ്ങളോ പരിശോധിക്കാതെയാണ് താന് ഫെയ്സ്ബുക്കില് കമന്റ് ഇട്ടതെന്നും വസ്തുത മനസ്സിലായപ്പോള് അത് നീക്കം ചെയ്തുവെന്നും പറയുന്ന കുറിപ്പ് ഫെയ്സ്ബുക്കില് പോസ്റ്റ് ചെയ്തുകൊണ്ടാണ് പ്രമുഖ അഭിഭാഷകനായ ഹരീഷ് വാസുദേവന് മാപ്പപേക്ഷയുമായെത്തിയത്.
ഞാന് ചെയ്ത പ്രസ്തുത പ്രവര്ത്തി വസ്തുതാപരമായും നിയമപരമായും ആലോചനയില്ലാതെ ചെയ്തതാണ്. അത് എന്റെ മാത്രം തെറ്റാണ്. ഇതുമൂലം ബഹുമാനപ്പെട്ട ഹൈക്കോടതിയ്ക്കോ സര്ക്കാര് അഭിഭാഷകര്ക്കോ മറ്റു അഭിഭാഷക സുഹൃത്തുക്കള്ക്കോ ബന്ധപ്പെട്ട മറ്റാര്ക്കെങ്കിലുമോ ഉണ്ടായ ബുദ്ധിമുട്ടില് ഞാന് നിര്വ്യാജം ഖേദിക്കുന്നു.ബന്ധപ്പെട്ടവരോടെല്ലാം നിരുപാധികം മാപ്പപേക്ഷിക്കുന്നു വെന്ന് ഹരീഷ് വാസുദേവന് ഫെയ്സ്ബുക്കില് കുറിച്ചു.
10 വയസുള്ള പെണ്കുട്ടിയെ ലൈംഗികമായി പീഡിപ്പിച്ച ഒരാളുടെ ജാമ്യാപേക്ഷ കഴിഞ്ഞ ദിവസം ഉബൈദിന്റെ കോടതിയില് വന്നു. ഗവ. അഭിഭാഷകര് മിണ്ടിയില്ല. കോടതി ജാമ്യം അനുവദിച്ചു. ആ ഇര അറിഞ്ഞിട്ടില്ല ഇതുവരെ എന്ന് ഒരു ഫെയ്സ്ബുക്ക് പോസ്റ്റിലാണ് ഇദ്ദേഹം കമന്റിട്ടത്.
കമന്റ് ചെയ്ത് ചെറിയ സമയത്തിനുള്ളില് ഹരീഷ് വാസുദേവന്റെ പോസ്റ്റിന്റെ സ്ക്രീന് ഷോട്ടുകള് പ്രചരിക്കുകയും നവമാധ്യമങ്ങളില് ചര്ച്ച ആരംഭിക്കുകയും ചെയ്തതോടെ കമന്റ് അദ്ദേഹം പിന്വലിച്ചു. വിവാദങ്ങള് തുടരവെയാണ് മാപ്പപേക്ഷിച്ച് ഹരീഷ് വാസുദേവന് എത്തിയത്
https://www.facebook.com/Malayalivartha
