കാവേരി ജലതര്ക്കവുമായി ബന്ധപ്പെട്ട ഹര്ജികള് സുപ്രീംകോടതി ഇന്ന് പരിഗണിക്കും; കര്ണാടകയില് സുരക്ഷ ശക്തമാക്കി
കാവേരി ജലതര്ക്കവുമായി ബന്ധപ്പെട്ട ഒരു കൂട്ടം ഹര്ജികള് സുപ്രീംകോടതി ഇന്ന് പരിഗണിക്കും. തമിഴ്നാടിന് പ്രതിദിനം പന്ത്രണ്ടായിരം ക്യുസെക്സ് അധികജലം നല്കുന്നതിന്റെ സമയപരിധി ഇന്ന് അവസാനിക്കുന്ന സാഹചര്യത്തിലാണിത്. ഇരു സംസ്ഥാനങ്ങളിലെയും ക്രമസമാധാനനില സംബന്ധിച്ചും കോടതിയില് വാദമുയരും. അതേസമയം, കാവേരി െ്രെടബ്യൂണല് അനുവദിച്ച നാനൂറ്റി പത്തൊന്പത് ടിഎംസി ജലത്തിന് പുറമെ മൂവായിരം ക്യുസെക്സ് കൂടി തമിഴ്നാടിന് നല്കാവുന്നതാണെന്ന് കാവേരി മേല്നോട്ടസമിതി സുപ്രീംകോടതിയെ അറിയിക്കും.
കാവേരി നദീജല തര്ക്കത്തില് സുപ്രീംകോടതിയില് ഇന്ന് തുടര്വാദം നടക്കുന്ന പശ്ചാത്തലത്തില് കര്ണാടകയില് സുരക്ഷ ശക്തമാക്കി. മാണ്ഡ്യ മൈസൂരു എന്നിവിടങ്ങളില് കേന്ദ്രസേനയെ വിന്യസിച്ചു. തമിഴ്നാട്ടുകാര് കൂടുതലായി താമസിക്കുന്ന പ്രദേശങ്ങള്ക്ക് സുരക്ഷ ശക്തമാക്കി. കഴിഞ്ഞ ദിവസം അക്രമം നടന്ന പ്രദേശങ്ങളില് കേന്ദ്രസേന ഫ്ലാഗ് മാര്ച്ച് നടത്തി. ഇന്ന് സംസ്ഥാനത്ത് മദ്യവില്പന നിരോധിച്ചു. അക്രമസാധ്യത കണക്കിലെടുത്ത് െക എസ് ആര്! ടി ബസുകള് ഇന്ന് ബെംഗളൂരുവില് നിന്ന് കേരളത്തിലേയ്ക്ക് സര്വീസ് നടത്തില്ല.
https://www.facebook.com/Malayalivartha
