അഖിലേഷിന് പരോക്ഷ വിമര്ശനവുമായി മുലായം സിങ്; ശിവ്പാല് യാദവ് ജനങ്ങളുടെ നേതാവ്; അമര് സിങ്ങിനും പിന്തുണ
ശിവ്പാല് യാദവിനെയും അമര് സിങ്ങിനെയും പിന്തുണച്ചും അഖിലേഷിന് പരോക്ഷ വിമര്ശനവുമായി സമാജ്വാദി പാര്ട്ടി ചീഫ് മുലായം സിങ് യാദവ്. സമാജ്വാദി പാര്ട്ടിയുടെ ഭാവി നിശ്ചിക്കുന്ന നിര്ണായകമായ നിയമസഭാകക്ഷിയോഗത്തില് സംസാരിക്കുകയായിരുന്നു മുലായം.അവന് എന്റെ മകനല്ല ചവിട്ടി പുറത്താക്കും മുലായം കലിപ്പിലാണ്. പാര്ട്ടിക്കുള്ളിലെ ഭിന്നത തന്നെ വേദനിപ്പിക്കുന്നുവെന്ന് മുലായം സിങ് യാദവ് വ്യക്തമാക്കി. ഈ പാര്ട്ടിക്ക് വേണ്ടി നമ്മളെല്ലാവരും കഠിനാധ്വാനം ചെയ്തിട്ടുണ്ട്. പാര്ട്ടിയിലെ യുവജനങ്ങള്ക്ക് കൂടുതല് പ്രാധാന്യവും സ്ഥാനമാനങ്ങളും നല്കി. വിമര്ശങ്ങള് അംഗീകരിക്കാനാവാത്തര്ക്ക് നേതാവാകാനുള്ള യോഗ്യത ഇല്ല. നമ്മളുടെ കുറവുകള് പരിഹരിക്കുന്നതിന് പകരം നാം തമ്മില് തല്ലുകയാണ്. ചില മന്ത്രിമാര് വെറും പാദസേവകരായി മാറുന്നു. വലുതായി ചിന്തിക്കാനാവാത്തവര്ക്ക് മന്ത്രിയാകാനുള്ള യോഗ്യതയില്ല.
യുവാക്കള് എന്നോടൊപ്പമില്ല എന്ന് നിങ്ങള് വിചാരിക്കരുത്. ഞാന് ദുര്ബലനായ വ്യക്തിയല്ലെന്നും മുലായം വ്യക്തമാക്കി.ശിവ്പാല് യാദവ് പാര്ട്ടിക്ക് വേണ്ടി നടത്തിയ പ്രവര്ത്തനങ്ങള് വിസ്മരിക്കാനാവില്ല. ചിലര്ക്ക് അധികാരം തലയ്ക്ക് പിടിച്ചിരിക്കുകയാണ്. ശിവ്പാല് യാദവ് ഒരു വലിയ സമൂഹത്തത്തിന്റെ നേതാവാണ്. എന്റെ മോശം സമയത്ത് കൂടെ ഉണ്ടായിരുന്ന വ്യക്തിയാണ് അമര് സിങ്. എനിക്ക് അമര് സിങ് സഹോദരനെപ്പോലെയാണ്. ശിവപാലിനും, അമര് സിങ്ങിനുമെതിരെ ഒന്നും കേള്ക്കാന് തനിക്കാവില്ലെന്നും അമറിന്റെ തെറ്റുകളെല്ലാം ക്ഷമിച്ചിരിക്കുന്നുവെന്നും മുലായം പറഞ്ഞു.
പാര്ട്ടിയില് ഉടലെടുത്തിരിക്കുന്ന അഖിലേഷ് യാദവും പിതൃസഹോദരനും പാര്ട്ടി സംസ്ഥാന അധ്യക്ഷനുമായ ശിവ്പാല് യാദവും തമ്മിലുള്ള തര്ക്കം പരിധിവിട്ട് പുറത്ത് വന്നതോടെയാണ് മുലായം സിങ് പാര്ട്ടി നേതാക്കളുടെ അടിയന്തര യോഗം വിളിച്ചത്.
https://www.facebook.com/Malayalivartha
