പാക്കിസ്ഥാനില് പരിശീലനം ലഭിച്ച ബബര് ഖല്സ ഭീകരര് ഇന്ത്യയിലേക്ക് കടന്നതായി ഇന്റലിജന്സ്
പാക്കിസ്ഥാനില്നിന്നും വിദഗ്ധ പരിശീലനം നേടിയ 12 ഭീകരര് പഞ്ചാബിലേക്ക് കടന്നതായി ഇന്റലിജന്സ് മുന്നറിയിപ്പ്. വടക്കേ ഇന്ത്യയുടെ വിവിധ ഭാഗങ്ങളില് ആക്രമണം നടത്തുകയെന്ന ലക്ഷ്യത്തോടെ ഭീകരസംഘടനയായ 'ബാബര് ഖല്സ'യിലെ ഭീകരരാണ് ഇന്ത്യയിലേക്ക് കടന്നിട്ടുള്ളത്. ഇന്റലിജന്സ് നല്കിയ വിവരത്തിന്റെ പശ്ചാത്തലത്തില് പഞ്ചാബ് പൊലീസ് കനത്ത ജാഗ്രതാ നിര്ദേശം പുറപ്പെടുവിച്ചു.
കഴിഞ്ഞ ഒക്ടോബറില് ഭീകരനെന്നു സംശയിക്കുന്ന കശ്മീര് സ്വദേശിയായ കമല്ദീപ് സിങ്ങിനെ പഞ്ചാബില്നിന്നും അറസ്റ്റ് ചെയ്തിരുന്നു. ഇയാളെ ചോദ്യം ചെയ്തപ്പോഴാണ് വിദഗ്ധ പരിശീലനം നേടിയ ഭീകരര് ആക്രമണം നടത്താനായി പഞ്ചാബിലേക്ക് കടന്നതായി വിവരം ലഭിച്ചത്. ഇവരെല്ലാം പാക്കിസ്ഥാനില്നിന്നാണ് പരിശീലനം നേടിയതെന്നും വന് ആയുധശേഖരം ഇവരുടെ പക്കലുണ്ടെന്നും മകല്ദീപ് വെളിപ്പെടുത്തിയിട്ടുണ്ട്.
ഇന്റലിജന്സ് നല്കിയ വിവരത്തിന്റെ അടിസ്ഥാനത്തില് ഡിജിപി അടിയന്തരമായി ഉന്നതതല യോഗം വിളിച്ചുചേര്ത്തു. സംസ്ഥാനത്തുടനീളവും അതിര്ത്തി പ്രദേശങ്ങളിലും തിരച്ചില് നടത്താനും അദ്ദേഹം സുരക്ഷാ സേനയ്ക്ക് നിര്ദേശം നല്കി.
https://www.facebook.com/Malayalivartha
