രാജ്യത്ത് അഞ്ഞൂറിന്റെയും ആയിരത്തിന്റേയും വ്യാജ നോട്ടുകള്‍ വ്യാപകമായി പ്രചരിക്കുന്നത് തടയാന്‍ റിസര്‍വ് ബാങ്ക് രംഗത്തെത്തി. പണമിടപാടുകളില്‍ ജനങ്ങള്‍ കൂടുതല്‍ ശ്രദ്ധ ചെലുത്തണമെന്നാണ് റിസര്‍വ് ബാങ്ക് പറയുന്നത്.
പണമിടപാടു കാര്യങ്ങളില്‍ പൗരന്മാര്‍ കൂടുതല്‍ ജാഗരൂകരാകണം. രാജ്യത്താകമാനം വ്യാപകമായ രീതിയില്‍ കള്ളനോട്ടുകള്‍ പ്രചരിക്കുന്നുണ്ട്. രാജ്യത്തിന്റെ സാമ്പത്തിക ഭദ്രതയ്ക്ക് ഭംഗം വരുത്തുന്നതാണ് കള്ള നോട്ടുകളുടെ പ്രചാരണമെന്ന് റിസര്‍വ് ബാങ്ക് വ്യക്തമാക്കി.
നോട്ടുകളെ തിരിച്ചറിയാനുള്ള വ്യക്തമായ നിര്‍ദേശങ്ങള്‍ റിസര്‍വ് ബാങ്കിന്റെ ഔദ്യോഗിക വെബ്‌സൈറ്റില്‍ കൊടുത്തിട്ടുണ്ടെന്ന് അധികാരികള്‍ വ്യക്തമാക്കി. വ്യാജമായ നോട്ടുകള്‍ നിര്‍മ്മിക്കുന്നത്, കൈകളില്‍ സൂക്ഷിക്കുന്നത്, കൈമാറ്റം നടത്തുന്നത്എന്നിവയെല്ലാം ക്രിമിനല്‍ കുറ്റകൃത്യങ്ങളാണ്. ഇത്തരത്തിലുള്ള സംഘങ്ങളെപ്പറ്റി വിവരം ലഭിക്കുന്നവര്‍ ഉടന്‍ പോലീസിനെ അറിയിക്കണമെന്ന് റിസര്‍വ് ബാങ്ക് വ്യക്തമാക്കിയിട്ടുണ്ട്.