വരുന്ന തദ്ദേശ തിരഞ്ഞെടുപ്പില്‍ വോട്ടെടുപ്പ് അവസാനിക്കുന്ന ജനുവരി എട്ടു വരെ 'ഐക്യം നടിക്കാ'നാണ് ബിജെപിയുടെയും ശിവസേനയുടെയും തീരുമാനം. എന്നാല്‍ ഈ 'സൗഹൃദം' നഗരസഭാ തെരഞ്ഞെടുപ്പില്‍ തുടരുന്നതിനോട് ഇരു പാര്‍ട്ടികള്‍ക്കും യോജിപ്പിച്ചു. മുംബൈ, താനെ തുടങ്ങി പത്തു നഗരസഭകളില്‍ 212 പഞ്ചായത്തുകളിലേക്കാണ് തെരഞ്ഞെടുപ്പ് നടക്കുന്നത്. വരാനിരിക്കുന്ന തദ്ദേശഭരണ തെരഞ്ഞെടുപ്പിന് മുന്നോടിയായി മഹാരാഷ്ട്രയില്‍ ബിജെപിയും ശിവസേനയും സന്ധിയ്‌ക്കൊരുങ്ങുന്നു എന്നാണ് ഏറ്റവും പുതിയ വാര്‍ത്ത. ഗ്രാമ പഞ്ചായത്ത് തെരഞ്ഞെടുപ്പ് പൂര്‍ത്തിയാകും വരെ അഭിപ്രായ വ്യത്യാസങ്ങള്‍ മാറ്റിവെക്കാനാണ് ഇരു പാര്‍ട്ടികളുടേയും തീരുമാനം. ഇത് ശരിവെക്കുന്ന പ്രതികരണമാണ് ബിജെപി,ശിവസേന നേതാക്കള്‍ നല്‍കുന്നത്. എന്നാല്‍ നഗരസഭാ തെരഞ്ഞെടുപ്പില്‍ ഈ സഖ്യവുമായി മുന്നോട്ടു പോകാന്‍ ഇരു പാര്‍ട്ടികള്‍ക്കും താത്പര്യമില്ല.

'' തെരഞ്ഞെടുപ്പ് സഖ്യം താത്കാലികം മാത്രമാണ്. അതും പഞ്ചായത്ത് തെരഞ്ഞെടുപ്പില്‍ മാത്രം. നഗരസഭാ തെരഞ്ഞെടുപ്പ് പഞ്ചായത്ത് തെരഞ്ഞെടുപ്പില്‍ നിന്നും തീര്‍ത്തും വിഭിന്നമാണ്. അതിന് പ്രത്യേകം മുന്നൊരുക്കങ്ങളാണ് വേണ്ടത്'' ബിജെപി നേതാവ് പറഞ്ഞു. പഞ്ചായത്ത് തെരഞ്ഞെടുപ്പിലുണ്ടാക്കുന്ന സഖ്യം ഇരു പാര്‍ട്ടികള്‍ക്കും ഗുണം ചെയ്യുമെന്നു മാധ്യമപ്രവര്‍ത്തകനും രാഷ്ട്രീയ നിരീക്ഷകനുമായ അഭയ് ദേശ്പാണ്ഡേ പറഞ്ഞു. ചിലയിടങ്ങളില്‍ ഈ സഖ്യത്തിനെതിരെ പ്രാദേശിക തലത്തില്‍ എതിരഭിപ്രായം ഉയര്‍ന്നിട്ടുണ്ട്. അതിനാലാണ് സഖ്യം സംബന്ധിച്ച പ്രഖ്യാപനം വൈകിയതെന്നും അഭയ് ദേശ്പാണ്ഡേ പറഞ്ഞു.

ഇന്നലെ നടന്ന മാരത്തോണ്‍ ചര്‍ച്ചകള്‍ക്ക് ശേഷമാണ് തെരഞ്ഞെടുപ്പ് സഖ്യത്തിന്റെ കാര്യത്തില്‍ ധാരണായത്. ബിജെപി സംസ്ഥാന അധ്യക്ഷന്‍ റാവുസാഹബ് ഡാന്‍വേ, ശിവസേന എംപി സഞ്ജയ് റൗത്ത് എന്നിവര്‍ സംയുക്തമായാണ് സഖ്യ രൂപീകരണം പ്രഖ്യാപിച്ചത്. സഖ്യ രൂപീകരണവുമായി ബന്ധപ്പെട്ട് അനിശ്ചിതത്വതോ ആശയക്കുഴപ്പമോ ഉണ്ടായിരുന്നില്ലെന്ന് ഡാന്‍വേ പറഞ്ഞു. 212 പഞ്ചായത്തുകളിലും ഒരു പോലെ സഖ്യം തുടരണമെന്ന ഉദ്ധവ് താക്കറേയുടെ നിര്‍ദ്ദേശം ബിജെപി അംഗീകരിച്ചതില്‍ ശിവസേന തൃപ്തരാണെന്നു റൗത്ത് പ്രതികരിച്ചു.

''ഒറ്റയ്‌ക്കൊറ്റയ്ക്ക് മത്സരിച്ചാല്‍ ഇരു പാര്‍ട്ടികള്‍ക്കും ജയത്തേക്കാള്‍ കൂടുതല്‍ നഷ്ടങ്ങളാകും ഉണ്ടാവുക. മാത്രമല്ല മറാത്ത അണ്‍റെസ്റ്റ് പ്രക്ഷോഭം, സംവരണം ആവശ്യപ്പെട്ട് വിവിധ ജാതി സംഘടനകള്‍ നടത്തുന്ന സമരങ്ങള്‍ തുടങ്ങിയ വിഷയത്തില്‍ നിലപാട് മയപ്പെടുത്താന്‍ ഇന്നലെ ചേര്‍ന്ന യോഗത്തില്‍ തീരുമാനമായി'' പേര് വെളിപ്പെടുത്താനാഗ്രഹിക്കാത്ത ഒരു ശിവസേനാ നേതാവ് പറഞ്ഞുവെന്നു ഒരു ദേശീയ മാധ്യമമാണ് റിപ്പോര്‍ട്ട് ചെയ്തത്.