ജമ്മുകാശ്മീരിലെ രാജ്യാന്തര അതിര്ത്തിയില് പാകിസ്ഥാന്റെ പ്രകോപനം തുടരുന്നു, വീണ്ടും ഷെല്ലാക്രമണം
ജമ്മു കശ്മീരിലെ രാജ്യാന്തര അതിര്ത്തിയില് പാക്കിസ്ഥാന് പ്രകോപനം തുടരുകയാണ്. പാക്കിസ്ഥാന് അതിര്ത്തിരക്ഷാ സേനാ വിഭാഗമായ പാക്ക് റേഞ്ചേഴ്സ് വീണ്ടും വെടിനിര്ത്തല് കരാര് ലംഘിച്ചു. ഇന്നു രാവിലെ കത്തുവ, ആര്എസ്പുര, ഹിരനഗര് തുടങ്ങിയ സ്ഥലങ്ങളിലാണ് പാക്കിസ്ഥാന് വെടിനിര്ത്തല് കരാര് ലംഘിച്ചത്. കത്തുവയില് മോര്ട്ടാര് ഷെല്ലുകള് ഉപയോഗിച്ചാണ് ആക്രമണമുണ്ടായത്. രാവിലെ 7.20നായിരുന്നു സംഭവം. എല്ലായിടത്തും ഇന്ത്യ ശക്തമായ തിരിച്ചടി നല്കിയെന്ന് ബിഎസ്എഫ് അറിയിച്ചു.
കഴിഞ്ഞ ഏതാനും ദിവസമായി പാക്കിസ്ഥാന് അതിര്ത്തിയിലെ ഇന്ത്യന് ഗ്രാമങ്ങള് ലക്ഷ്യമാക്കിയാണ് ആക്രമണം നടത്തുന്നത്. ഇന്നലെയുണ്ടായ ആക്രമണത്തില് രണ്ടു ഗ്രാമീണര് കൂടി കൊല്ലപ്പെട്ടിരുന്നു. ഇതിനു മുന്പത്തെ ദിവസം ആറു വയസ്സുകാരനടക്കം രണ്ടു പേര്ക്കും പാക്കിസ്ഥാന് ആക്രമണത്തില് ജീവന് നഷ്ടമായിരുന്നു. പാക്ക് സേനയുടെ തുടര്ച്ചയായ വെടിനിര്ത്തല് ലംഘനത്തിന് ഇന്ത്യന് സേന ശക്തമായ തിരിച്ചടിയാണു നല്കുന്നത്. മുന് നിരയിലുള്ള പാക്ക് റേഞ്ചേഴ്സ് സൈനികരാണ് ഏറെയും കൊല്ലപ്പെടുന്നത്. കഴിഞ്ഞ ദിവസം ഇന്ത്യന് സൈനികന് ഗുര്നാം സിങ് കൊല്ലപ്പെട്ടതിനു ശേഷമുള്ള തിരിച്ചടിയില് 15 പാക്ക് സൈനികര് കൊല്ലപ്പെട്ടെന്ന് ബിഎസ്എഫ് അറിയിച്ചു.
അതിനിടെ, ഇന്നലെ ഭീകരരുമായുള്ള ഏറ്റുമുട്ടലില് ഒരു ഇന്ത്യന് സൈനികന് വീരമൃത്യു വരിച്ചു. ഇദ്ദേഹത്തിന്റെ മൃതദേഹം ഭീകരര് വികൃതമാക്കി. പാക്ക് സേനയുടെ വെടിവയ്പിന്റെ മറവില് ഭീകരര് സൈനികന്റെ മൃതദേഹം തിരിച്ചെത്തിച്ചതായും സംഭവത്തിന് ഉചിതമായ വിധത്തില് മറുപടി കൊടുക്കുമെന്നും സേനാ വക്താവ് അറിയിച്ചു.
https://www.facebook.com/Malayalivartha
