വൈകി എത്തിയ പത്ത് എയര് ഹോസ്റ്റസുമാരെ എയര് ഇന്ത്യ പിരിച്ചു വിട്ടു
എയര്ഇന്ത്യയില് ജോലി ചെയ്തു വരുന്ന 10 എയര് ഹോസ്റ്റസുമാര് വൈകി വന്നതിനാല് അവരെ എയര്ഇന്ത്യ പിരിച്ചു വിട്ടു. ഇവര് വൈകി വന്നതിനാല് വിമാനം പുറപ്പെടാന് താമസിച്ചതിനെ തുടര്ന്നാണ് നടപടി . വരും ദിവസങ്ങളില് കൂടുതല് പേര്ക്ക് ജോലി നഷ്ടമാകാന് സാധ്യതയുണ്ടെന്ന് ഉദ്യോഗസ്ഥന്മാര് മുന്നറിയിപ്പ് നല്കിയിട്ടുണ്ട് .
വിമാനത്തിലിരിക്കുന്ന യാത്രക്കാരെ മണിക്കൂറോളം കാത്തിരിക്കാന് വിട്ട് ഇഷ്ടമുള്ള സമയത്ത് കയറി വരുന്ന വിമാനത്തിലെ കാബിന് ക്രൂ ജീവനക്കാരുടെ എണ്ണം വര്ദ്ധിച്ചിരിക്കുകയാണ് . ഇതാണ് എയര്ഇന്ത്യയെ ഇങ്ങനെയൊരു കടുത്ത തീരുമാനമെടുപ്പിച്ചത് . ഡല്ഹി-ചിക്കാഗോ സഫ്ളൈറ്റിലെ നാല് എയര്ഹോസ്റ്റസുമാരെയാണ് ആദ്യം പിരിച്ചു വിട്ടത് . ഞായറാഴ്ച വൈകുന്നേരത്തോടെ ആറു പേരെ കൂടി പറഞ്ഞുവിട്ടു . കൂടുതല് നടപടികള് വരാനിരിക്കുകയാണെന്ന് ഉദ്യോഗസ്ഥര് അറിയിച്ചു.
ഈ വര്ഷം ആദ്യം മുതല് വിമാനം വൈകി പുറപ്പെടുന്നത് എയര്ഹോസ്റ്റസുമാര് വൈകിയെത്തുന്നതുമൂലമാണ് . ഫെബ്രുവരി 13 ന് ആസ്ട്രേലിയയിലേക്ക് പുറപ്പെടേണ്ട വിമാനത്തിലെ 4 എയര് ഹോസ്റ്റസുമാര് കൃത്യസമയത്ത് വിമാനത്താവളത്തില് എത്തിയിരുന്നില്ല. ഇവരില് ഒരാള് വിമാനം പുറപ്പെടേണ്ട സമയത്തിന് 2 മണിക്കൂറിന് ശേഷമാണ് വിമാനത്താവളത്തില് എത്തിയത്. മറ്റൊരാള് ദുബായ് വരയേ പോകാന് കഴിയുകയുള്ളൂവെന്ന് അറിയിച്ചു. മറ്റ് രണ്ടു പേര് ജോലിക്ക് എത്താന് കഴിയില്ലെന്നും അറിയിക്കുകയായിരുന്നു.
വിമാനത്തില് കൃത്യസമയത്തിന് ജോലിക്ക് ഹാജരാകാത്തവരെ ജോലിയില് നിന്നും പിരിച്ചുവിടുന്നതടക്കമുള്ള കടുത്ത നടപടികള് സ്വീകരിക്കുമെന്ന് നേരത്തെ മുന്നറിയിപ്പ് നല്കിയിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
