പാമ്പുകടി: പ്രതിരോധവും ചികിത്സയും വളരെ പ്രധാനം; സമയബന്ധിതമായ ചികിത്സ ഉറപ്പാക്കണം
പാമ്പുകടിയ്ക്കെതിരെ പ്രതിരോധവും സമയബന്ധിതമായ ചികിത്സയും വളരെ പ്രധാനമാണെന്ന് ആരോഗ്യ വകുപ്പ് മന്ത്രി വീണാ ജോര്ജ്. ചൂട് അധികമായത് കാരണം ഇഴ ജന്തുക്കള് തണുപ്പുള്ള പ്രദേശം തേടി പോകുന്ന സമയമാണ്. അതിനാല് വീടും സ്ഥാപനങ്ങളും പരിസരങ്ങളും പാമ്പുകള്ക്ക് കയറിയിരിക്കാനുള്ള അവസരമൊരുക്കാതെ ശ്രദ്ധ വേണം. ഇതിന്റെ ഭാഗമായി കാടും പടര്പ്പും കേറാതേയും മാളങ്ങള്, പൊത്തുകള്, മുതലായവ സിമന്റോ മറ്റോ ഇട്ട് അടച്ചും വൃത്തിയായി സൂക്ഷിക്കണം.
പാമ്പുകടിയേറ്റാല് സമയോചിതമായ പ്രഥമ ശുശ്രൂഷയും വിദഗ്ധ ചികിത്സയും നല്കിയാല് ജീവന് രക്ഷിക്കാന് കഴിയുന്നതാണ്. താലൂക്ക് തലം മുതലുള്ള എല്ലാ ആശുപത്രികളിലും പാമ്പുകടി ചികിത്സയ്ക്കുള്ള ആന്റി സ്നേക്ക് വെനം ലഭ്യമാണ്. രോഗ ലക്ഷണങ്ങളും ലാബ് പരിശോധനകളും അടിസ്ഥാനമാക്കി പ്രോട്ടോകോള് പ്രകാരമാണ് ആന്റി സ്നേക്ക് വെനം നല്കുന്നത്. എല്ലാ ആശുപത്രികളും പ്രോട്ടോകോള് പ്രകാരമുള്ള ചികിത്സ ഉറപ്പാക്കണമെന്നും മന്ത്രി വ്യക്തമാക്കി.
വീട്ടിനുള്ളില് പാമ്പ് കടിക്കുന്ന സംഭവങ്ങള് ആവര്ത്തിക്കാതിരിക്കാനായി എല്ലാവരും പ്രത്യേക ജാഗ്രത പാലിക്കേണ്ടതാണ്.
ന്മ വീടിനുള്ളില് പാമ്പ് കയറാനുള്ള സാധ്യത കുറയ്ക്കാന് വാതിലുകളും ജനലുകളും അടച്ചിടുക; വിടവുകള് അടയ്ക്കുക.
ന്മ വീടിന് പുറത്ത് കിടന്ന് ഉറങ്ങാതിരിക്കുക
ന്മ നിലത്ത് കിടന്ന് ഉറങ്ങുന്നത് ഒഴിവാക്കി കിടക്കകള് ഉപയോഗിക്കുക.
ന്മ കൊതുക് വല ഉപയോഗിക്കുന്നത് അധിക സംരക്ഷണം നല്കും
ന്മ വീടിനും പരിസരത്തിനും ചുറ്റുമുള്ള മാലിന്യങ്ങള് നീക്കം ചെയ്യുക
ന്മ വീടിനോട് ചേര്ന്ന് വിറക്, തൊണ്ട്, ചിരട്ട, തുണികള് തുടങ്ങിയവയൊന്നും കൂട്ടി വയ്ക്കരുത്
ന്മ പുല്ലും കുറ്റിച്ചെടികളും വെട്ടി വൃത്തിയായി സൂക്ഷിക്കുക
ന്മ വീടിനോട് സമീപത്തുള്ള മാളങ്ങളെല്ലാം അടയ്ക്കുക
ന്മ രാത്രിയില് വീടിനുള്ളിലും പുറത്തും മതിയായ വെളിച്ചം ഉറപ്പാക്കുക
ന്മ സന്ധ്യ സമയത്തും രാത്രി സമയങ്ങളിലും പുറത്തേക്ക് പോകുമ്പോള് ടോര്ച്ച് ഉപയോഗിക്കുക
ന്മ കരിയിലകളിലൂടെയും കുറ്റിച്ചെടികളിലൂടെയും നടക്കാന് ശ്രമിക്കരുത്
ന്മ കാല്പാദം സംരക്ഷിക്കുന്ന ചെരുപ്പുകള് ധരിക്കുക
ന്മ ഉറങ്ങുന്നതിന് മുമ്പ് കിടക്കയും പുതപ്പും സുരക്ഷിതമാണെന്ന് ഉറപ്പാക്കുക
ന്മ കിടക്കുന്ന സ്ഥലം ശുചിയായി, സുരക്ഷിതമായി സൂക്ഷിക്കുക
ന്മ ചെരുപ്പ്, വസ്ത്രങ്ങള്, ബാഗ്, ഹെല്മറ്റ്, വാഹനങ്ങള് എന്നിവ ഉപയോഗിക്കുന്നതിന് മുമ്പ് പരിശോധിക്കുക
ന്മ പാമ്പിനെ കണ്ടാല് അതിനെ പിടിക്കാന് ശ്രമിക്കാതെ ബന്ധപ്പെട്ട അധികാരികളെ അറിയിക്കുക. ഏറ്റവും അടുത്തുള്ള സ്നേക്ക് റെസ്ക്യുവേഴ്സിനെ ലഭിക്കാന് വനം വകുപ്പിന്റെ സര്പ്പ ആപ്പ് സഹായിക്കും.
പാമ്പുകടി സംഭവിച്ചാല് പ്രഥമ ശുശ്രൂഷ
ന്മ പാമ്പുകടിയേറ്റയാളെ ശാന്തനാക്കുക. ഭീതി ഉണ്ടാക്കരുത്.
ന്മ അനാവശ്യ ചലനം ഒഴിവാക്കുക. കടിയേറ്റ ഭാഗം അനക്കാതിരിക്കുക. പ്രത്യേകിച്ചും കടിയേറ്റ വ്യക്തിയെ ഓടാനോ നടക്കാനോ അനുവദിക്കാതെ എടുത്തോ, സ്ട്രച്ചറില് കിടത്തിയോ ആശുപത്രിയില് എത്തിക്കുക
ന്മ മുറിവ് ഒരിക്കലും അമിതമായി മുറുക്കിക്കെട്ടരുത്.
ന്മ എത്രയും വേഗം ആശുപത്രിയില് എത്തിക്കുകയാണ് പ്രധാനം.
ന്മ ആശുപത്രിയിലേക്ക് വ്യക്തിയെ കൊണ്ട് പോകുമ്പോള് കടിച്ച പാമ്പിനെ പിടിച്ചോ, കൊന്നോ കൊണ്ടുപോകേണ്ട ആവശ്യമില്ല. അതിന് നേരം പാഴാക്കരുത്.
https://www.facebook.com/Malayalivartha
