ലോകസഭാ തെരഞ്ഞെടുപ്പ്‌ ഏപ്രില്‍ 7 മുതല്‍ മെയ്‌ 12 വരെ ഒമ്പതു ഘട്ടങ്ങളിലായി നടക്കും. കേരളത്തില്‍ ഏപ്രില്‍ 10 നാണ്‌ വോട്ടെടുപ്പ്‌ നടക്കുക. മെയ്‌ 16 ന്‌ വോട്ടെണ്ണ ല്‍ നടക്കും. ഇതോടൊപ്പം ഒഡീഷ. ആന്ധ്രാപ്രദേശ്‌, സിക്കിം എന്നീ നിയമസഭകളിലേക്കും വോട്ടെടുപ്പ്‌ നടക്കും. 

തെരഞ്ഞെടുപ്പ്‌ പ്രഖ്യാപിച്ചതോടെ തിരഞ്ഞെടുപ്പ്‌ പെരുമാറ്റചട്ടം നിലവില്‍ വന്നു. ന്യൂഡല്‍ഹിയിലെ വിജ്ഞാന സഭയില്‍ വിളിച്ചു ചേര്‍ത്ത വാര്‍ത്താ സമ്മേളനത്തില്‍ മുഖ്യതെരഞ്ഞെടുപ്പു കമ്മീഷണര്‍ വി.എസ്‌ സമ്പത്താണ്‌ തെരഞ്ഞെടുപ്പ്‌ തീയതി പ്രഖ്യാപിച്ചത്‌ 
നിഷേധ വോട്ട്‌ നടപ്പാക്കുന്ന ആദ്യ ലോകസഭാ തെരഞ്ഞെടുപ്പാണ്‌ നടക്കാനിരിക്കുന്നത്‌. ആദ്യഘട്ടം ഏപ്രില്‍ 7 ന്‌ രണ്ട്‌ സംസ്ഥാനങ്ങളിലെ 6 മണ്‌ഡലങ്ങളില്‍ നടക്കും. ഏപ്രില്‍ 9 ന്‌ രണ്ടാം ഘട്ടവും ഏപ്രില്‍10 ന്‌ മൂന്നാംഘട്ടവും ഏപ്രില്‍ 10ന്‌ മൂന്നാംഘട്ടവും ഏപ്രില്‍ 12 ന്‌ നാലാം ഘട്ടവും നടക്കും. ഏപ്രില്‍ 14 ന്‌ ആറാംഘട്ടവും ഏപ്രിലില്‍17 ന്‌ അഞ്ചാംഘട്ടവും ഏപ്രില്‍ 30 ന്‌ ഏഴാംഘട്ടവും മെയ്‌ 7 ന്‌ എട്ടാം ഘട്ടവും മെയ്‌ 12 ന്‌ ഒമ്പതാം ഘട്ട തെരഞ്ഞെടുപ്പ്‌ നടക്കുക. ബീഹാറിലും ഉത്തര്‍പ്രദേശിലും 6 ഘട്ടങ്ങളിലായും ജമ്മു കാശ്‌മീരിലും ബംഗാളിലും 5 ഘട്ടങ്ങളിലായുമാണ്‌ വോട്ടെടുപ്പ്‌ നടക്കുക. ഝാര്‍ഖണ്‌ഡിലും ഛത്തീസ്‌ഗഡിലും 3 ഘട്ടങ്ങളിലായിട്ടാണ്‌ വോട്ടെടുപ്പ്‌ .

മെയ്‌ 31 നകം തെരഞ്ഞെടുപ്പ്‌ പ്രക്രീയ പൂര്‍ത്തിയാകും.  ഇപ്പോള്‍ 8.14 കോടി വോട്ടര്‍മാരാണ്‌ രാജ്യത്തുള്ളത്‌. മാര്‍ച്ച്‌ 9 ന്‌ വോട്ടര്‍ പട്ടിക പരിശോധിക്കാന്‍ എല്ലാ ബൂത്തുകളിലും അവസരം ലഭിക്കും.വോട്ടര്‍ പട്ടികയില്‍ പേരു ചേര്‍ക്കാന്‍ വിട്ടു പോയിട്ടുള്ളവര്‍ക്ക്‌ പേരു ചേര്‍ക്കാന്‍ ഇനിയും അപേക്ഷ നല്‍കാം . 9,39,000 പോളിംഗ്‌ ബൂത്തുകളാണ്‌ രാജ്യത്താകെയുള്ളത്‌. 

പതിനഞ്ചാം ലോകസഭയുടെ കാലാവധി ജൂണ്‍ 1 ന്‌ അവസാനിക്കും. മെയ്‌ 31 ന്‌ അടുത്ത സര്‍ക്കാര്‍ നിലവില്‍ വരേണ്ടതാണ്‌ .ഇതെല്ലാം കണക്കിലെടുത്താണ്‌ തിരഞ്ഞെടുപ്പ്‌ തീയതി പ്രഖ്യാപനം ഉണ്ടായത്‌.