യുപി ഡോക്ടര്മാര് സമരം അവസാനിപ്പിച്ചു : 30 രോഗികള് ചികിത്സ കിട്ടാതെ മരിച്ചു
ഉത്തര്പ്രദേശിലെ സര്ക്കാര് ഡോക്ടര്മാര് നടത്തിവന്നിരുന്ന സമരം പിന്വലിച്ചു. സമാജ്വാദി പാര്ട്ടി നേതാവ് മുലായം സിങ് യാദവുമായി നടത്തിയ ചര്ച്ചയിലാണ് ഡോക്ടര്മാര് സമരം അവസാനിപ്പിച്ചത്. കഴിഞ്ഞ ദിവസം മുപ്പതിലേറെ രോഗികളാണ് ചികിത്സ കിട്ടാതെ മരിച്ചത്.
അരലക്ഷത്തിലേറെ രോഗികളെയാണ് ഈ സമരം ബാധിച്ചത്. ഇരുന്നൂറിലേറെ ശസ്ത്രക്രീയകളാണ് മുടങ്ങിയത്. ചികിത്സ കിട്ടാത്തതുകൊണ്ടു മാത്രമാണ് മുപ്പത് രോഗികള് മരിച്ചത്. മരണസംഖ്യ കൂടുമെന്നാണ് കണക്കാക്കുന്നത്. ഇന്നലെ മാത്രം എട്ട് രോഗികള് മരിച്ചിരുന്നു.
സമാജ്വാദി എംഎല്എ ഇര്ഫാന് സോളങ്കിയും കാണ്പൂരിലെ ജിഎസ് വി മെഡിക്കല് കോളേജിലെ ജൂനിയര് ഡോക്ടര്മാരും തമ്മിലുണ്ടായ ചെറിയ പ്രശ്നമാണ് സമരത്തിനിടയാക്കിയത്. സംഘര്ഷത്തില് പോലീസ് ലാത്തി ചാര്ജ് നടത്തുകയും പന്ത്രണ്ടോളം ഡോക്ടര്മാരെ കസ്റ്റഡിയിലെടുക്കുകയും ചെയ്തു. പിന്നെ ഇവരെ ജാമ്യത്തില് വിട്ടയച്ചു. കാണ്പൂര് പോലീസ് ചീഫിനും എംഎല്എ.യ്ക്കുമെതിരെ കേസെടുക്കണമെന്നായിരുന്നു ഇവരുടെ ആവശ്യം.
സംഭവത്തില് അന്വേഷണം നടത്താമെന്ന് മുഖ്യമന്ത്രി പറഞ്ഞെങ്കിലും ഡോക്ടര്മാര് സമരമാരംഭിക്കുകയായിരുന്നു.
https://www.facebook.com/Malayalivartha
