ചിന്നമ്മ രണ്ടാനമ്മയുടെ റോള് ഏറ്റെടുത്തു... പനീര്സെല്വത്തെ പാര്ട്ടിയില്നിന്ന് പുറത്താക്കി ശശികല; ജയലളിതയുടെ ശവ കുടീരത്തില് നിന്നും തെരുവിലേക്ക്
അണ്ണാ ഡിഎംകെ ജനറല് സെക്രട്ടറി വി.കെ.ശശികല കാവല് മുഖ്യമന്ത്രി ഒ.പനീര്സെല്വത്തെ പാര്ട്ടിയില് നിന്നും പുറത്താക്കി. പനീര്സെല്വം തന്നെ ഇന്നലെ രാത്രി തുറന്നപോരിന് കളമൊരുക്കിയതോടെ രാഷ്ട്രീയ ലോകം തമിഴ്നാട്ടിലേക്ക് ഉറ്റുനോക്കുകയാണ്. തനിക്കെതിരെ പോരാടാനുറച്ച പനീര്സെല്വത്തെ ശശികല പാര്ട്ടിയില്നിന്ന് പുറത്താക്കി. ട്രഷറര് സ്ഥാനത്തുനിന്ന് പുറത്താക്കിയതിനുപിന്നാലെയാണ് നടപടി.
രാത്രി വൈകി മാധ്യമങ്ങളെ കണ്ട ശശികല പനീര്സെല്വത്തിന്റെ പിന്നില് ഡിഎംകെയാണെന്ന് ആരോപിച്ചു. തന്റെ പിന്നില് എംഎല്എമാര് ഒറ്റക്കെട്ടാണ്. പാര്ട്ടിയില് പളര്പ്പില്ല. ഗവര്ണര് എത്തിയാലുടന് മന്ത്രിസഭ രൂപീകരിക്കാന് അവകാശവാദമുന്നയിക്കുമെന്നും ശശികല പറഞ്ഞു.
അതേസമയം, പാര്ട്ടിയില്നിന്ന് പുറത്താക്കിയതിനെ പനീര്സെല്വം ചിരിച്ചുതള്ളി. ശശികല ജയലളിതയുടെ ആഗ്രഹങ്ങള് അട്ടിമറിച്ചു. ജയയുടെ മരണത്തിനു മുന്പേതന്നെ നേതൃമാറ്റത്തിന് കളമൊരുക്കിയെന്നും അദ്ദേഹം ആരോപിച്ചു. അതിനിടെ, നിര്ണായകമായ നിയമസഭാകക്ഷി യോഗം ശശികല ഇന്നു രാവിലെ വിളിച്ചിട്ടുണ്ട്.
പനീര്സെല്വത്തിന് 40 എംഎല്എമാരുടെ പിന്തുണയുണ്ടെന്നാണ് വിലയിരുത്തല്. ശശികലയോട് താല്പര്യമില്ലാത്ത എംഎല്എമാരും പ്രവര്ത്തകരും അദ്ദേഹത്തിനൊപ്പമാണ്. പനീര്സെല്വത്തിന് പിന്തുണ പ്രഖ്യാപിച്ച് ജനങ്ങളും നേതാക്കളും ഇന്നലെ തെരുവിലിറങ്ങിയിരുന്നു.
https://www.facebook.com/Malayalivartha
