മരിച്ചത് കീചകനെങ്കില്... ശശികലയുടെ മന്ത്രിസ്ഥാനം തുലാസിലാക്കി പനീര് ശെല്വത്തിന്റെ തുറിപ്പ് ചീട്ട്; ജയലളിതയുടെ മരണത്തെക്കുറിച്ച് ജുഡീഷ്യല് അന്വേഷണം
ശശികലയുടെ മന്ത്രിസ്ഥാനം തുലാസിലാക്കി പനീര് ശെല്വത്തിന്റെ തുറിപ്പ് ചീട്ട്. ജയലളിതയുടെ മരണത്തെക്കുറിച്ച് ജുഡീഷ്യല് അന്വേഷണം വേണമെന്ന് പനീര് ശ്ലവം ആവശ്യപ്പെട്ടു. ശശികലയ്ക്ക് മേല് കരിനിഴല് വീഴ്ത്തിയാണ് പനീര്ശെല്വം ഈ പ്രസ്ഥാവന നടത്തിയത്. ജയലളിതയുടെ മരണം സംബന്ധിച്ച് സിറ്റിങ് ജഡ്ജി അന്വേഷണം നടത്തുമെന്ന് ശെല്വം പറഞ്ഞു. സംശയങ്ങള് തീര്ക്കാനുള്ള ബാധ്യത സര്ക്കാരിനുണ്ട്.
അതേസമയം പാര്ട്ടി പ്രവര്ത്തകര് ആവശ്യപ്പെട്ടാല് രാജി പിന്വലിക്കുമെന്നും പനീര്ശെല്വം. 16 വര്ഷത്തോളം ജയലളിത മുഖ്യമന്ത്രിയായി തുടര്ന്നു. ഞാന് രണ്ടുപ്രാവശ്യമാണ് ആ സ്ഥാനത്തെത്തിയത്. അത് അമ്മയുടെ ആഗ്രഹപ്രകാരമായിരുന്നു. കൂടാതെ അമ്മയുടെ പാത പിന്തുടരുകയും ചെയ്തു, പാര്ട്ടിയെ ഒരിക്കലും തള്ളിപ്പറഞ്ഞിട്ടില്ല. അണ്ണാ ഡിഎംകെയുടെ ഒത്തൊരുമയ്ക്കായി എന്നും നിലകൊണ്ടു. അധികാരത്തിലാണെങ്കിലും പ്രതിപക്ഷത്താണെങ്കിലും പാര്ട്ടിയെ ചതിക്കില്ല. തന്റെ പിന്നില് ബിജെപിയാണെന്ന ആരോപണവും ഒ.പനീര്സെല്വം തള്ളി. അണ്ണാ ഡിഎംകെയിലെ പ്രശ്നങ്ങള്ക്കു പിന്നില് ബിജെപി അല്ലെന്നും അദ്ദേഹം ചെന്നൈയില് മാധ്യമങ്ങളോട് പറഞ്ഞു.
പാര്ട്ടി പ്രവര്ത്തകര് ആവശ്യപ്പെട്ടാല് രാജി പിന്വലിക്കും. ഗവര്ണര് ചെന്നൈയിലെത്തിയാലുടന് കൂടിക്കാഴ്ച നടത്തും. സഭയിലെ തന്റെ ഭൂരിപക്ഷം തെളിയിക്കാന് തയാറാണ്. ന്മ ശശികലയെ താത്കാലികമായാണ് ജനറല് സെക്രട്ടറിയാക്കിയത്. ഇടക്കാല ജനറല് സെക്രട്ടറിക്കുപകരം പുതിയയാളെ കണ്ടെത്താന് തിരഞ്ഞെടുപ്പ് നടത്തണം.
എല്ലാ ഗ്രാമങ്ങളിലും നേരിട്ടെത്തി പ്രവര്ത്തകരെ കാണും. ജയലളിതയുടെ സഹോരപുത്രി ദീപ ജയകുമാറിനോട് ബഹുമാനം മാത്രമാണുള്ളത്. കേന്ദ്രസര്ക്കാര് തമിഴ്നാട്ടിലെ ജനങ്ങള്ക്ക് പിന്തുണ നല്കുന്നുണ്ട്. ജനത്തെ പിന്തുണയ്ക്കുന്ന ആരില്നിന്നും സഹായം തേടും
https://www.facebook.com/Malayalivartha
