പനീര്‍ശെല്‍വമാണിപ്പോള്‍ തമിഴ്‌നാട്ടില്‍ സംസാര വിഷയം. ഒരു പന്തു തട്ടും പോലെ അദ്ദേഹത്തെ അങ്ങോട്ടുമിങ്ങോട്ടുമിട്ട് തട്ടി കളിക്കുന്നു. ചായക്കടക്കാരനില്‍ നിന്നും മുഖ്യമന്ത്രി പദവിയിലെത്തിയ പെരിയകുളത്തുകാരുടെ അണ്ണനായി മാറിയ പനീര്‍ ശെല്‍വത്തിന്റെ ജീവിത കഥ ഇങ്ങനെ...

ഒ. പനീര്‍ശെല്‍വം 1951 ല്‍ ജനുവരി 14 നു തമിഴ്‌നാട് പെരിയകുളം ഗ്രാമത്തില്‍ ജനിച്ചു. സ്‌കൂള്‍ ജീവിതം പൂര്‍ത്തിയാക്കിയതിനുശേഷം ഉത്തമ പാളയത്തിലെ ഹാജി കര്‍ത്താവൂന്നര്‍ ഹൗദിയ കോളേജില്‍ സാമ്പത്തിക ശാസ്ത്രത്തിലായിരുന്നു ബിരുദപഠനം. കോളേജ് വിദ്യാഭ്യാസം ഉണ്ടെങ്കിലും കൃഷിയോടായിരുന്നു അദ്ദേഹത്തിന്റെ താത്പര്യം . ഇതിനിടെയാണ് 1969 ല്‍ തന്റെ 18-ാം വയസ്സില്‍ രാഷ്ട്രീയത്തില്‍ പ്രവര്‍ത്തിച്ചു തുടങ്ങിയത്. ഡിഎം കെ പാര്‍ട്ടിയില്‍ നിന്നു കൊണ്ടായിരുന്നു തുടക്കം. ഭാര്യ പി.ജയലക്ഷ്മി, മൂന്നുകുട്ടികള്‍ . അവിചാരിതമായി രാഷ്ട്രീയത്തിലേക്ക് ചുവടുവച്ചത് ഡിഎം കെ പാര്‍ട്ടിയിലായിരുന്നെങ്കിലും 1969 ല്‍ എഐഎഡിഎംകെ പാര്‍ട്ടിയില്‍ ചേര്‍ന്നു. 

രാഷ്ട്രീയത്തില്‍ തിരക്കേറിയപ്പോള്‍ പെരിയകുളത്ത് നിന്നു ചെന്നൈയിലേയ്ക്കു താമസം മാറ്റി. എന്നാല്‍ ഇപ്പോഴും ലാളിത്യം കൈമുതലാക്കി തന്നെയാണ് പെരിയകുളത്തുകാരുടെ അണ്ണന്റെ ജീവിതം. വീണു കിട്ടുന്ന ഇടവേളയില്‍ തന്റെ ചായക്കടയിലും അദ്ദേഹം എത്താറുണ്ട്. 65 കാരനായ പനീര്‍ശെല്‍വം പാര്‍ട്ടിക്കാരുടെ ഒപിഎസ് ആണ്. ആദ്യ ഔദ്യോഗിക സ്ഥാന ലബ്ധി 1996 ല്‍ പെരിയകുളം മുന്‍സിപ്പല്‍ ചെയര്‍മാന്‍ പദം അലങ്കരിച്ചു കൊണ്ട് 1988ല്‍ അണ്ണാ ഡിഎംകെ പിളര്‍ന്നപ്പോള്‍ ജാനകിയോടൊപ്പമായിരുന്നു എന്നതും പൂര്‍വ്വചരിത്ര കൗതുകം. പെരിയകുളം എം പി ആയിരുന്ന ജയലളിതയുടെ വിശ്വസ്തന്‍ ടിടിവി ദിനകരനാണ് പോയ്‌സ് ഗാര്‍ഡനിലേക്ക് കൈ പിടിച്ചത്. 

ദിനകരന്റെ നിഴലായി നടന്ന പനീര്‍ശെല്‍വം ജയയുടെ വിശ്വാസം നേടിയെടുത്തു. 2001ല്‍ ജയയ്ക്കു അപ്രതീക്ഷിതമായി ഭരണത്തില്‍ നിന്നു മാറി നില്‍ക്കേണ്ടി വന്നപ്പോള്‍ എംഎല്‍എ ആയുള്ള ആദ്യ ഊഴത്തില്‍ തന്നെ മുഖ്യമന്ത്രിയുമായി ആറുമാസത്തിനുശേഷം സന്തോഷത്തോടെ പദവി തിരിച്ചേല്‍പ്പിച്ചു മന്ത്രിയായി. 2016ല്‍ സെപ്റ്റംബറില്‍ മുഖ്യമന്ത്രിയായിരുന്ന ജയലളിത അഴിമതി നിരോധന നിയമപ്രകാരം ജയിലില്‍ പോയതിനാല്‍ പനീര്‍ശെല്‍വത്തിനെ തിരഞ്ഞെടുക്കുകയായിരുന്നു. 2014 സെപ്റ്റംബര്‍ 29ന് അദ്ദേഹം തമിഴ്‌നാടിന്റെ മുഖ്യമന്ത്രിയായി സത്യപ്രത്ജ്ഞ ചെയ്ത് അധികാരമേറ്റു. ജയില്‍ വാസസമയത്ത് ആറു മാസം മുഖ്യമന്ത്രിയായിരുന്നു.

2001 ലായിരുന്നു ഇദ്ദേഹം തമിഴ്‌നാട് മുഖ്യമന്ത്രിയാകുന്നതും ആറുമാസത്തിനുശേഷം ജയലളിതയ്ക്കായി സ്ഥാനമൊഴിഞ്ഞതും തുടര്‍ന്നു ജയലളിതയുടെ ആശുപത്രി വാസവും തുടര്‍ന്നുണ്ടായ മരണശേഷവും പനീര്‍ശെല്‍വം മന്ത്രിയായി ചുമതലയേറ്റു. തുടര്‍ന്നു ശശികലയ്ക്കുവേണ്ടി മന്ത്രിസ്ഥാനം രാജിവച്ചു. പനീര്‍ശെല്‍വം ഇപ്പോള്‍ ശശികലയ്‌ക്കെതിരെ തന്നെ രംഗത്തു വന്നിരിക്കുകയാണ്. തന്നെ നിര്‍ബന്ധിച്ചു രാജി വയ്പ്പിക്കുയായിരുന്നു എന്നു അദ്ദേഹം വെളിപ്പെടുത്തിയിരിക്കുകയാണ്. അദ്ദേഹം ഇനി തനിച്ച് പോരാടുമെന്നു പറയുമ്പോഴും തന്റെ കൂടെ പാര്‍ട്ടി പ്രവര്‍ത്തകരും അനുഭാവികളും തന്നെ പിന്തുണച്ചു കൊണ്ട് രംഗത്തെത്തിയിരിക്കുകയാണ്.