വൈദ്യശാസ്ത്രം വിധിയെഴുതിയ ഗുരു തിരിച്ചെത്തുമെന്ന പ്രതീക്ഷയില് മൃതദേഹം ശീതീകരണിയില്
ചണ്ഡീഗഢില് മരിച്ചുവെന്ന് വൈദ്യശാസ്ത്രം വിധിയെഴുതിയ ആത്മീയ ഗുരു തിരിച്ചുവരുമെന്ന് പ്രതീക്ഷിച്ച് ആറാഴ്ചയായി ശീതീകരണിയില് സൂക്ഷിച്ചിരിക്കുകയാണ്. അനുയായികളാണ് മൃതദേഹം ശീതീകരണിയില് കിടത്തിയത്. അവരുടെ വിശ്വാസം ഗുരു ഉയര്ത്തെഴുന്നേല്ക്കുമെന്നാണ്.
ദിവ്യജ്യോതി ജാഗ്രതി സംസ്ഥാന് എന്ന പ്രസ്ഥാനത്തിന്റെ അമരക്കാരനായ അശുതോഷ് മഹാരാജ് ജനുവരി 29 നാണ് മരിച്ചതായി ഡോക്ടര്മാര് അറിയിച്ചത്.എന്നാല് ഗുരു മടങ്ങിവരുമെന്ന വിശ്വാസത്തിലാണ് വിശ്വാസി സമൂഹം.
ലോകമെമ്പാടും ലക്ഷക്കണക്കിന് അനുയായികളുള്ള പ്രസ്ഥാനമാണ് ദിവ്യജ്യോതി ജാഗ്രതയെന്ന് നേതൃത്വം നല്കുന്നവര് പറയുന്നു. ഗുരു മരിച്ചിട്ടില്ലെന്നാണ് മിഷന് വക്താവായ സ്വാമി വിശാലാനന്ദ് പറയുന്നത്. മഹാരാജ് ധ്യാനത്തിലാണെന്നും ഇപ്പോഴും ബോധമുണ്ടെന്നും അദ്ദേഹം അവകാശപ്പെട്ടു.
ഗുരു ധ്യാനം അവസാനിപ്പിച്ച് മടങ്ങിവരാന് പ്രാര്ഥനയുമായി ആയിരക്കണക്കിന് വിശ്വാസികള് ആശ്രമത്തിലേക്ക് ഒഴുകുകയാണ്. ആശ്രമത്തില് ധ്യാനത്തിലിരിക്കുന്ന വിശ്വാസികളുടെ മനസ്സിലേക്ക് മഹാരാജിന്റെ സന്ദേശങ്ങള് എത്തുന്നുണ്ടെന്ന് സ്വാമി വിശാലാനന്ദ് പറഞ്ഞു. താന് മടങ്ങിവരുമെന്നും തന്റെ ദേഹം സംരക്ഷിക്കണമെന്നുമാണ് ഈ സന്ദേശങ്ങളെന്നും അദ്ദേഹം ആവശ്യപ്പെട്ടു.
ഇതിനിടയ്ക്ക് ഗുരുവിന്റെ മൃതദേഹം സംസ്ക്കരിക്കാതെ ശീതീകരണിയില് സൂക്ഷിക്കുന്നതിനെതിരെ അദ്ദേഹത്തിന്റെ മുന്ഡ്രൈവര് കോടതിയില് ഹര്ജി നല്കിയിരുന്നു. ആശ്രമത്തിന്റെ സ്വത്തുവകകള് സ്വന്തമാക്കുകയാണ് ഇതിനുപിന്നിലെ ലക്ഷ്യമെന്നും ഹര്ജിയില് ആരോപിച്ചു
എന്നാല് അശുതോഷ് മഹാരാജ് ഹൃദയാഘാതം മൂലം മരിച്ചുവെന്ന് ഡോക്ടര്മാര് സ്ഥിരീകരിച്ചിട്ടുണ്ടെന്നും മൃതദേഹം എന്തുചെയ്യണമെന്ന് അനുയായികള്ക്ക് തീരുമാനിക്കാമെന്നും സര്ക്കാര് കോടതിയെ അറിയിച്ചു. തുടര്ന്ന് കോടതി ഹര്ജിതളളി.
https://www.facebook.com/Malayalivartha
