ഹരിയാനയിലെ ബല്ലദ് ഗട്ട് ഗ്രാമത്തിൽ ഇത്തവണ ഈദ് ആഘോഷങ്ങളില്ല.ബീഫ് കൈവശം വെച്ചുവെന്ന് ആരോപിച്ച് തീവണ്ടിയിൽ 16 കാരനെ കൊലപ്പെടുത്തിയതിൽ പ്രതിഷേധിച്ചാണ് ഇത്തവണ ഈദ് ആഘോഷങ്ങൾ ഗ്രാമം ഉപേക്ഷിച്ചത്.

പെരുന്നാൾ നമസ്‌കാരം നടത്തിയെങ്കിലും ആഘോഷങ്ങൾ ഒന്നു തന്നെ ഉണ്ടാകില്ലെന്നു ജുനൈദിന്റെ പിതാവ് അറിയിച്ചു. ജുദൈദിന്റെ കുടുംബവും സുഹൃത്തുക്കളും നാട്ടുകാരും ചേർന്ന് കറുത്ത ബാഡ്ജ് അണിഞ്ഞ് പ്രതിഷേധമിരിക്കുകയാണ്.തന്റെ മകനെ കൊന്നവർക്ക് ശിക്ഷ ലഭിക്കണമെന്നും അതാണ് തങ്ങളുടെ ആവശ്യമെന്നും പിതാവ് പറഞ്ഞു.

ചെറിയ പൊരുന്നാളിന് സാധനം വാങ്ങി മടങ്ങിവന്ന 16 കാരനായ ജുനൈദിനും സഹോദരങ്ങൾക്കും നേരയാണ് മർദനം ഉണ്ടായത്. ബീഫ് വാങ്ങിയെന്ന് ആരോപിച്ചാണ് ഇവർക്ക് നേരെ ആക്രമണം ഉണ്ടായത്. ആക്രമണത്തിൽ ജുനൈദ് കൊല്ലപ്പെട്ടിരുന്നു.