ഓര്‍ഡര്‍ നല്‍കിയാല്‍ മാത്രം മതി ഡ്രോണുകള്‍ വീട്ടിലെത്തും
വിദൂര നിയന്ത്രണ സംവിധാനം വഴി പ്രവര്‍ത്തിക്കുന്ന ആളില്ലാ വിമാനങ്ങള്‍ (ഡ്രോണ്‍) ഇകൊമേഴ്‌സ് വെബ്‌സൈറ്റുകള്‍ വഴി വിതരണം ചെയ്യാന്‍ കേന്ദ്ര സിവില്‍ ഏവിയേഷന്‍ മന്ത്രാലയം അനുമതി നല്‍കാനൊരുങ്ങുന്നു. ഡ്രോണുകളുടെ ഉപയോഗത്തിന് നിയന്ത്രണം കൊണ്ടുവരാനുള്ള ചട്ടത്തിന്റെ കരട് അംഗീകരിച്ച് കഴിഞ്ഞാല്‍ ഇത് സംബന്ധിച്ച അനുമതി നല്‍കുമെന്ന് സിവില്‍ ഏവിയേഷന്‍ സെക്രട്ടറി ആര്‍.എന്‍.ചൗധരി വ്യക്തമാക്കി
അതേസമയം, ഡ്രോണുകളുടെ ഭാരം അനുസരിച്ച് നാലു വിഭാഗമായി തിരിച്ച് ഉപയോഗത്തിന് നിയന്ത്രണങ്ങള്‍ കൊണ്ടുവരുമെന്ന് വ്യോമയാന മന്ത്രി അശോക് ഗജപതിരാജു അറിയിച്ചു. ഡ്രോണുകള്‍ സുരക്ഷാഭീഷണി സൃഷ്ടിക്കുന്ന സാഹചര്യത്തിലാണിത്. ഭാരത്തിന്റെ അടിസ്ഥാനത്തില്‍ നാനോ (250ഗ്രാമില്‍ താഴെ ഭാരം), മൈക്രോ (250ഗ്രാം 2കിലോ), മിനി (225കിലോ), സ്മാള്‍(25150കിലോ) ,ലാര്‍ജ് (150കിലോയ്ക്ക് മുകളില്‍) വിഭാഗങ്ങളായി ഡ്രോണുകളെ തിരിക്കും.
കുട്ടികള്‍ ഉപയോഗിക്കുന്ന 250ഗ്രാമില്‍ താഴെ ഭാരമുള്ള നാനോ ഡ്രോണുകള്‍ക്ക് ലൈസന്‍സ് വ്യവസ്ഥകള്‍ ഇളവു ചെയ്യും. സാങ്കേതിക വിദ്യയുടെ വളര്‍ച്ചയ്ക്കനുസരിച്ച് ഡ്രോണുകള്‍ ഉപയോഗിച്ച് എയര്‍ റിക്ഷകള്‍ ഏര്‍പ്പെടുത്താനുള്ള സാധ്യത പരിശോധിക്കുമെന്നും മന്ത്രി പറഞ്ഞു. ചട്ടങ്ങളുടെ അന്തിമ കരട് ഈ വര്‍ഷം അവസാനത്തോടെ പ്രസിദ്ധീകരിക്കും. ഇതിന് ശേഷം പൊതുജനങ്ങള്‍ക്ക് അഭിപ്രായം രേഖപ്പെടുത്താന്‍ 30 ദിവസത്തെ സമയപരിധി നല്‍കുമെന്നും മന്ത്രി പറഞ്ഞു.
ഡ്രോണുകള്‍ പറത്തുന്നതിന്റെ മാനദണ്ഡങ്ങള്‍
സുരക്ഷാ ഏജന്‍സികള്‍ ഉപയോഗിക്കുന്നവയും നാനോ ഡ്രോണുകളും ഒഴികെ എല്ലാം വ്യോമയാന ഡയറക്ടറേറ്റില്‍ രജിസ്റ്റര്‍ ചെയ്യണം
മിനി മുതല്‍ മുകളിലോട്ട് ഭാരമുള്ള ഡ്രോണുകള്‍ പറത്താന്‍ പ്രത്യേക അനുമതി തേടണം
വിദ്യാഭ്യാസ സ്ഥാപനങ്ങളുടെ 200 അടിയില്‍ താഴെ പറക്കുന്ന 2കിലോ ഭാരമുള്ള പരീക്ഷണ വിമാനങ്ങളെ ഒഴിവാക്കി
ഡ്രോണുകള്‍ പകല്‍ സമയത്ത് 200 അടിയില്‍ താഴെ മാത്രമേ പറത്താന്‍ പാടുള്ളൂ
പാര്‍ലമെന്റ്, രാഷ്ട്രപതിഭവന്‍ തുടങ്ങിയവ സ്ഥിതി ചെയ്യുന്ന വിജയ്ചൗക്കിന്റെയും വിമാനത്താവളങ്ങളുടെയും അന്താരാഷ്ട്ര അതിര്‍ത്തിയുടെയും അഞ്ചുകിലോമീറ്റര്‍ ചുറ്റളവില്‍ ഡ്രോണ്‍ നിരോധന മേഖലയാണ്.
ജനസാന്ദ്രത കൂടിയ പ്രദേശങ്ങളിലും ഇവ പറത്താന്‍ പാടില്ല
വാഹനങ്ങളില്‍ സഞ്ചരിച്ച് ഡ്രോണുകള്‍ പറത്തുന്നത് കുറ്റകരം
https://www.facebook.com/Malayalivartha
