ചികിത്സയ്ക്ക് പണമില്ലാത്തതില്‍ മനംനൊന്ത് ദമ്പതികള്‍ ജീവനൊടുക്കി. ഹൈദരാബാദിലാണ് സംഭവം. അടപ്പ ഗൗരിയും ഭര്‍ത്താവ് രഘുനന്ദനുമാണ് ജീവനൊടുക്കിയത്. 40കാരിയായ ഗൗരി ദീര്‍ഘകാലമായി ക്യാന്‍സര്‍ ബാധിതയായിരുന്നു. ഗൗരിയുടെ ചികിത്സയ്ക്കായി ഇതിനകം ധാരാളം പണം ചെലവഴിച്ചു. എന്നാല്‍ തുടര്‍ ചികിത്സയ്ക്ക് പണമില്ലാത്തതില്‍ മനംനൊന്ത് ഇവര്‍ ജീവനൊടുക്കുകയായിരുന്നു.

ഹൈദരാബാദിലെ നിസാംപെട്ടില വീട്ടിലാണ് ദമ്പതികളെ വിഷം ഉള്ളില്‍ ചെന്ന നിലയില്‍ കണ്ടെത്തിയത്. ബന്ധുക്കള്‍ ഇവരെ ഉടന്‍ ആശുപത്രിയില്‍ എത്തിച്ചുവെങ്കിലും രഘുനന്ദന്‍ ബുധനാഴ്ചയോടെ മരിച്ചു. വെള്ളിയാഴ്ചയോടെ ഗൗരിയും മരണത്തിന് കീഴടങ്ങി. പോസ്റ്റ്‌മോര്‍ട്ടത്തിന് ശേഷം മൃതദേഹങ്ങള്‍ കുടുംബത്തിന് വിട്ടു കൊടുത്തു.