നോട്ട്​ നിരോധനത്തിനെതിരെ വീണ്ടും ആഞ്ഞടിച്ച്‌​ പശ്ചിമ ബംഗാള്‍ മുഖ്യമന്ത്രി മമത ബാനര്‍ജി. നോട്ട്​ നിരോധനമെന്ന ദുരന്തത്തിനെതിരെ നമുക്ക്​ ശബ്​ദമുയര്‍ത്താം. അത്​ ഡീമോ ഡിസാസ്​റ്റര്‍ ആണെന്നും ട്വിറ്ററില്‍ ത​​ന്റെ പ്രൊഫൈല്‍ ചിത്രം കറുപ്പാക്കി കരിദിനം ആചരിക്കുകയാണെന്നും മമത ട്വിറ്റില്‍ കുറിച്ചു.

നോട്ട്​ നിരോധനം ഏറ്റവും വലിയ അഴിമതിയായിരുന്നുവെന്ന്​ ആവര്‍ത്തിക്കുകയാണ്​. അതില്‍ അന്വേഷണം പ്രഖ്യാപിച്ചാല്‍ അഴിമതിയാണെന്ന്​ തെളിയിക്കപ്പെടുമെന്നും മമത ഫേസ്​ബുക്ക്​ കുറിപ്പിലൂടെ ആരോപിച്ചു.കള്ളപ്പണത്തിനെതിരായ പോരാട്ടമല്ല നോട്ട്​ നിരോധനം. അത്​ ഭരണത്തിലിരിക്കുന്ന രാഷ്​ട്രീയ പാര്‍ട്ടിക്കും തല്‍പര കക്ഷികള്‍ക്കും കള്ളപ്പണം വെളുപ്പിക്കാനുള്ള നടപടിയാണെന്നും മമത തുറന്നടിച്ചു.നോട്ട്​ നിരോധനത്തിന്റെ ഒന്നാം വാര്‍ഷിക ദിനമായ നവംബര്‍ എട്ട്​ കരിദിനമായി​ ആചരിക്കുമെന്ന്​ മമത ബാനര്‍ജി നേരത്തെ പ്രഖ്യാപിച്ചിരുന്നു.