പ്രണയം അങ്ങനെയാണ് കിട്ടില്ല എന്ന് വിചാരിക്കുമ്പോള്‍ കിട്ടും. കിട്ടും എന്ന് വിചാരിക്കുമ്പോള്‍ കിട്ടില്ല. പലപ്പോഴും പ്രണയങ്ങള്‍ പരാജയപ്പെടുന്നതിന്റെ കാരണം തന്നെ ബന്ധുക്കളുടെയും മാതാപിതാക്കളുടെയും എതിര്‍പ്പാണ്. ഇത്തരം എതിര്‍പ്പുകളെ അവഗണിച്ചു സ്വന്തമായി ഒരു വഴി തിരഞ്ഞെടുക്കുന്നവര്‍ കുറവാണ്. കാസര്‍കോഡ് നിന്നു പുറത്തുവരുന്ന വാര്‍ത്തയും ഇത്തരം എതിര്‍പ്പുകളെ ഒക്കെ വളരെ ശക്തമായി പരജയപ്പെടുത്തിയ കമിതാക്കളുടെ കഥയാണ്.

മംഗലൂരുവിലെ ഒരു വിവാഹ ചടങ്ങില്‍ വച്ചായിരുന്നു യുവതിയും യുവാവും പരിചയപ്പെട്ടത്. തുടര്‍ന്ന് ഇരുവരും പ്രണയത്തിലായി. വീട്ടുകാരുടെ അനുഗ്രഹത്തോടെ വിവാഹം കഴിക്കണം എന്നായിരുന്നു ഇരുവരുടെയും തീരുമാനം. എന്നാല്‍ യുവാവിന്റെ അച്ഛനും പെണ്‍കുട്ടിയുടെ അമ്മയും ഒഴികെയുള്ളവര്‍ വിവാഹത്തെ ശക്തമായി എതിര്‍ത്തു.

ഇതോടെ വിവാഹം നടക്കില്ല എന്ന അവസ്ഥയില്‍ എത്തി. രജിസ്ട്രര്‍ ഓഫീസില്‍ എത്തി അപേക്ഷ നല്‍കി കാത്തിരിക്കാനായിരുന്നു ഇവര്‍ക്കു ലഭിച്ച നിര്‍ദേശം. തങ്ങളുടെ പ്രണയം പരാജയപ്പെടുമോ എന്ന ആശങ്കയില്‍ വിവാഹിതരാകാന്‍ ഇവര്‍ പോലീസിന്റെ സഹായം തേടി. എന്നാല്‍ അടുത്തുള്ള അമ്പലത്തില്‍ എത്തി വിവാഹം കഴിക്കാനായിരുന്നു പോലിസിന്റെ നിര്‍ദേശം.

സ്‌റ്റേഷനില്‍ നിന്നു സഹായം കിട്ടില്ല എന്ന് അറിഞ്ഞതോടെ ഇവര്‍ നഗരത്തിലെ ഒരു ജ്യൂലറിയില്‍ എത്തി താലിമാല വാങ്ങി തിരിച്ച് സ്‌റ്റേഷനില്‍ എത്തുകയായിരുന്നു. ഇവരുടെ പ്രണയത്തിന്റെ് തീവ്രത മനസിലാക്കിയ പോലീസുകാര്‍ യുവാവിന്റെ അച്ഛനെയും പെണ്‍കുട്ടിയുടെ അമ്മയേയും സാക്ഷികളാക്കി സ്‌റ്റേഷനില്‍ വച്ചു വിവാഹം നടത്തി കൊടുത്തു.