ഡല്ഹി വിഷപ്പുകയില് നട്ടംതിരിയുമ്പോള് മുമ്പ് നടപ്പാക്കിയ ഒറ്റയക്ക, ഇരട്ടയക്ക നമ്പര് വാഹന നിയന്ത്രണം വീണ്ടും പ്രാബല്യത്തില് വരുത്താനൊരുങ്ങി ഡല്ഹി സര്ക്കാര്
ഡല്ഹി വിഷപ്പുകയില് നട്ടംതിരിയുമ്പോള് മുമ്പ് നടപ്പാക്കിയ ഒറ്റയക്ക, ഇരട്ടയക്ക നമ്പര് വാഹന നിയന്ത്രണം വീണ്ടും പ്രാബല്യത്തില് വരുത്താനൊരുങ്ങി ഡല്ഹി സര്ക്കാര്. മലിനീകരണത്തോത് കുറയ്ക്കുന്നതിന്റെ ഭാഗമായാണ് സര്ക്കാര് നടപടി. ഡല്ഹിയിലേക്കു ട്രക്കുകള് പ്രവേശിക്കുന്നതു സര്ക്കാര് വിലക്കിയിട്ടുണ്ട്. നിര്മാണപ്രവര്ത്തനങ്ങള് നിര്ത്തിവയ്ക്കാനും നിര്ദേശിച്ചു. സ്കൂളുകള് ഞായറാഴ്ചവരെ അടച്ചിടാന് വിദ്യാഭ്യാസമന്ത്രി ഉത്തരവിറക്കി.
ഇതിനു പുറമേയാണ് ഒറ്റയക്ക, ഇരട്ടയക്ക നന്പര് വാഹന നിയന്ത്രണം വീണ്ടും ഏര്പ്പെടുത്താന് സര്ക്കാര് ആലോചിക്കുന്നത്. ഇതു സംബന്ധിച്ച് വ്യാഴാഴ്ച തീരുമാനം കൈക്കൊള്ളുമെന്ന് ലഫ്റ്റനന്റ് ഗവര്ണറുടെ ഓഫീസ് അറിയിച്ചു.
മുന്പ് പരിഷ്കരണം നടപ്പാക്കിയപ്പോള്, ഒറ്റയക്ക തീയതികള് വരുന്ന ദിവസങ്ങളില് ഒറ്റയക്ക നന്പര് വാഹനവും അല്ലാത്ത ദിവസങ്ങളില് ഇരട്ടയക്ക നന്പര് വാഹനവുമാണ് നഗരത്തില് ഓടാന് അനുവദിക്കുക. ഞായറാഴ്ച നിയന്ത്രണമില്ല. ഡല്ഹിയില് 20 ലക്ഷത്തിലേറെ സ്വകാര്യ കാറുകളാണ് രജിസ്റ്റര് ചെയ്തിരിക്കുന്നത്. ഇതില് പകുതിയോളം നിരത്തിലിറങ്ങില്ലെന്നതിനാല് പത്തുലക്ഷത്തോളം വാഹനങ്ങള് കുറയും.
https://www.facebook.com/Malayalivartha
