ജി.എസ്.ടി: ഇരുന്നൂറോളം ഉല്‍പന്നങ്ങള്‍ക്ക് നികുതി ഇളവുകള്‍ പ്രഖ്യാപിച്ചേക്കുമെന്നാണ് സൂചന
രണ്ട് ദിവസം നീണ്ടു നിന്ന 23ാമത് ജി.എസ്.ടി കൗണ്‍സില്‍ യോഗം ഇന്ന് സമാപിക്കും. ധനമന്ത്രി അരുണ്‍ ജെയ്റ്റ്‌ലിയുടെ അദ്ധ്യക്ഷതയില്‍ ചേരുന്ന യോഗത്തില്‍ വിവിധ വിഭാഗങ്ങളില്‍പ്പെട്ട ഇരുന്നൂറോളം ഉല്‍പന്നങ്ങള്‍ക്ക് നികുതി ഇളവുകള്‍ പ്രഖ്യാപിച്ചേക്കുമെന്നാണ് സൂചന. ജി.എസ്.ടിയുടെ ഏറ്റവും കൂടിയ നിരക്കായ 28% ബാധകമായിട്ടുള്ളവയാണ് ഇവ.
അസം ധനകാര്യമന്ത്രി ഹിമന്ത ബിസ്‌വ ശര്‍മ്മ തലവനായ ഫിറ്റ്‌മെന്റ് കമ്മിറ്റിയുടെ ശുപാര്‍ശകള്‍ കൗണ്‍സില്‍ യോഗം ഇന്ന് പരിഗണനയ്‌ക്കെടുക്കും. പാദരക്ഷകള്‍, ഷാംപൂ, വാച്ചുകള്‍, ഗേജ്, ഇന്‍സ്റ്റന്റ് കാപ്പി, പെയിന്റുകള്‍, ഡിറ്റര്‍ജന്റുകള്‍ എന്നിവ നികുതി ഇളവിന് ശുപാര്‍ശ ചെയ്തിട്ടുള്ള ഉപഭോക്തൃ ഉല്‍പന്നങ്ങളില്‍ ഉള്‍പ്പെടുന്നു.
ഫാന്‍, സ്വിച്ച്, കേബിള്‍ തുടങ്ങി ലൈറ്റ് ഇലക്ട്രിക്കല്‍ വിഭാഗത്തില്‍പ്പെട്ട ഉല്‍പന്നങ്ങള്‍ക്കും നിരക്ക് ഇളവു ശുപാര്‍ശ ചെയ്തിട്ടുണ്ടെന്നാണു സൂചന. കൂടാതെ, ടൈലുകള്‍ക്കും സിറാമിക് ഉല്‍പന്നങ്ങള്‍ക്കും ഇളവു ലഭിച്ചേക്കും. പ്ലാസ്റ്റിക് നിര്‍മ്മിതമായ ഒട്ടേറെ സാനിറ്ററി ഉല്‍പന്നങ്ങളുടെ നികുതിയിലും ഇളവിന് സാദ്ധ്യതയുണ്ട്.
https://www.facebook.com/Malayalivartha
