മേവാറിലെ രാജ്ഞി റാണി പത്മിനി എന്ന പത്മാവതിയുടെയും മുസ്ലീം ഭരണാധികാരി അലാവുദ്ദീൻ ഖിൽജിയുടെയും മനോഹരമായ പ്രണയ കഥ പറയുന്ന ബോളിവുഡ് ചിത്രം പ​ദ്മാ​വ​തി​യു​ടെ റി​ലീ​സ് വൈ​കി​പ്പി​ക്ക​ണ​മെ​ന്ന് കേ​ന്ദ്ര​ത്തോ​ട് രാ​ജ​സ്ഥാ​ൻ മു​ഖ്യ​മ​ന്ത്രി വ​സു​ന്ധ​ര രാ​ജെ സി​ന്ധ്യ ആവശ്യപ്പെട്ടു.

വാ​ർ​ത്താ​വി​നി​മ​യ പ്ര​ക്ഷേ​പ​ണ മ​ന്ത്രി സ്മൃ​തി ഇ​റാ​നി​ക്ക് അ​യ​ച്ച ക​ത്തി​ലാ​ണ് മന്ത്രി ഇക്കാര്യം ആവശ്യപ്പെട്ടത്. ആ​വ​ശ്യ​മാ​യ മാ​റ്റ​ങ്ങ​ൾ വ​രു​ത്തു​ന്ന​തു​വ​രെ ചി​ത്ര​ത്തി​ന്‍റെ റി​ലീ​സി​ന് അ​നു​മ​തി ന​ൽ​ക​രു​തെ​ന്നും സ്മൃ​തി​യോ​ട് മന്ത്രി ആവശ്യപ്പെട്ടു.

പ​ദ്മാ​വ​തി​ക്കെ​തി​രേ പ്ര​തി​ഷേ​ധി​ക്കു​ന്ന​വ​രോ​ട് മൃ​ദു​സ​മീ​പ​നം കൈ​ക്കൊ​ള്ളു​ന്ന മു​ഖ്യ​മ​ന്ത്രി​മാ​രി​ൽ പ്ര​ധാ​നി​യാ​ണ് വ​സു​ന്ധ​ര. നേ​ര​ത്തെ, ഉ​ത്ത​ർ​പ്ര​ദേ​ശ് മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥും പ​ദ്മാ​വ​തി​യു​ടെ റി​ലീ​സ് വൈ​കി​പ്പി​ക്ക​ണ​മെ​ന്ന് ആ​വ​ശ്യ​പ്പെ​ട്ടി​രു​ന്നു. ക്ര​മ​സ​മാ​ധാ​ന പ്ര​ശ്ന​ങ്ങ​ൾ ചൂ​ണ്ടി​ക്കാ​ട്ടി​യാ​ണ് ചി​ത്ര​ത്തി​നെ​തി​രേ മു​ഖ്യ​മ​ന്ത്രി​മാ​ർ നി​ല​പാ​ടെ​ടു​ക്കു​ന്ന​തെ​ങ്കി​ലും ചി​ത്ര​ത്തി​നെ​തി​രേ പ്ര​തി​ഷേ​ധി​ക്കു​ന്ന​വ​ർ​ക്കെ​തി​രേ ന​ട​പ​ടി​യെ​ടു​ക്കാ​ൻ ഈ ​മു​ഖ്യ​മ​ന്ത്രി​മാ​ർ ത​യാ​റാ​യി​ട്ടി​ല്ല.

ഇതിനുമുൻപ് അ​പേ​ക്ഷ പൂ​ർ​ണ​മാ​യി​രു​ന്നി​ല്ലെ​ന്ന കാ​ര​ണം ചൂ​ണ്ടി​ക്കാ​ട്ടി സെ​ൻ​സ​റിം​ഗി​ന് അ​യ​ച്ച പ​ദ്മാ​വ​തി പ്രി​ന്‍റ് സ​ർ​ട്ടി​ഫി​ക്കേ​ഷ​ൻ ബോ​ർ​ഡ് തി​രി​ച്ച​യ​ച്ചി​രു​ന്നു. ക​ഴി​ഞ്ഞ വെ​ള്ളി​യാ​ഴ്ച​യാ​ണ് ചി​ത്രം സെ​ൻ​സ​ർ ബോ​ർ​ഡി​നു സ​മ​ർ​പ്പി​ച്ച​ത്.

ബോ​ർ​ഡ് ച​ട്ട​ങ്ങ​ള​നു​സ​രി​ച്ച് 61 ദി​വ​സ​ത്തി​നു​ള്ളി​ൽ ചി​ത്ര​ങ്ങ​ൾ സെ​ൻ​സ​ർ ചെ​യ്തു ന​ൽ​കി​യാ​ൽ മ​തി. ഡി​സം​ബ​ർ ഒ​ന്നി​നു ചി​ത്രം റി​ലീ​സ് ചെ​യ്യു​മെ​ന്നാ​ണ് നി​ർ​മാ​താ​ക്ക​ൾ പ​റ​യു​ന്ന​ത്. എ​ന്നാ​ൽ സെ​ൻ​സ​ർ ബോ​ർ​ഡ് സെ​ൻ​സ​റിം​ഗ് പൂ​ർ​ത്തി​യാ​ക്കി ചി​ത്രം കൈ​മാ​റി​യി​ല്ലെ​ങ്കി​ൽ റി​ലീ​സ് വീ​ണ്ടും നീ​ളും. പ​ദ്മാ​വ​തി പ്ര​ദ​ർ​ശി​പ്പി​ച്ചാ​ൽ തി​യ​റ്റ​റു​ക​ൾ ക​ത്തി​ക്കു​മെ​ന്ന ഭീ​ഷ​ണി​യു​മാ​യി ര​ജ്പു​ത് ക​ർ​ണി സേ​ന രം​ഗ​ത്തെ​ത്തി​യി​രു​ന്നു.

ചിത്രത്തിലെ നായികയായ ദീപിക പദുക്കോണ്‍ ഇന്ത്യക്കാരിയല്ല എന്നും ദീപിക ഡച്ചുകാരിയാണെന്നുമുള്ള പ്രസ്താവനയുമായി സുബ്രഹ്മണ്യൻ സ്വാമി രംഗത്തെത്തിയിരുന്നു. രക്തം കൊണ്ടുള്ള കത്തുമായി ഹിന്ദു സംഘടനകളും എത്തിയിരുന്നു.