ഗുജറാത്തിൽ നിയമസഭാതെരഞ്ഞെടുപ്പ് അടുത്തിരിക്കുന്ന സാഹചര്യത്തിൽ മുസ്ലീങ്ങൾക്കെ​തി​രെ വി​ദ്വേ​ഷ പ്ര​ചാ​ര​ണം ന​ട​ത്തു​ന്ന വീ​ഡി​യോ പ്ര​ച​രി​ച്ചിരുന്നു. ഈ സം​ഭ​വ​ത്തി​ൽ പോ​ലീ​സ് അ​ന്വേ​ഷ​ണം തുടങ്ങിയിട്ടുണ്ട്. മുസ്ലീങ്ങളെ ഭ​യ​പ്പെ​ട​ണ​മെ​ന്ന സ​ന്ദേ​ശമാണ് ഈ വീഡിയോയിലൂടെ നൽകുന്നത്.

സമൂഹമാധ്യമങ്ങളിൽ പ്രചരിക്കുന്ന വീഡിയോ ദൃശ്യങ്ങളിൽ ബാ​ങ്കു​വി​ളി കേ​ട്ട് പേടിച്ചോടുന്ന പെ​ണ്‍​കു​ട്ടി​യെയാണ് കാണാൻ കഴിയുന്നത്. ഇ​തി​നെ​തി​രേ മ​നു​ഷ്യാ​വ​കാ​ശ പ്ര​വ​ർ​ത്ത​ക​നാ​യ ഗോ​വി​ന്ദ് പാ​ർ​മ​ർ തെ​ര​ഞ്ഞെ​ടു​പ്പ് കമ്മീഷനെ സമീപിച്ചിട്ടുണ്ട്. മുസ്ലീങ്ങൾക്കെ​തി​രേ പ്ര​ചാ​ര​ണം ന​ട​ത്തു​ന്ന ഈ വീ​ഡി​യോ നി​രോ​ധി​ക്ക​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടിട്ടുണ്ട്. ഇ​തേ​തു​ട​ർ​ന്ന് സം​സ്ഥാ​ന മു​ഖ്യ​തെ​ര​ഞ്ഞെ​ടു​പ്പ് ക​മ്മീ​ഷ​ണ​ർ ബി.​ബി.​സ്വെ​യ്ൻ അ​ന്വേ​ഷ​ണ​ത്തി​ന് ഉ​ത്ത​ര​വിട്ടിട്ടുണ്ട്.

വീ​ഡി​യോ​യി​ൽ അ​ഭി​ന​യി​ച്ച​വ​രെ ക​ണ്ടെ​ത്തി​യാ​ൽ പ്ര​തി​ക​ളെ പി​ടി​കൂ​ടു​ന്ന​ത് എ​ളു​പ്പ​മാ​കു​മെ​ന്ന് പ​രാ​തി​ക്കാ​ര​ൻ പ​റ​യു​ന്നു. ഗു​ജ​റാ​ത്തി​ൽ വൈ​കി​ട്ട് ഏ​ഴി​നു ശേ​ഷം സം​ഭ​വി​ക്കാ​വു​ന്ന​ത് എ​ന്ന് എ​ഴു​തി​ക്കാ​ണി​ച്ചു തു​ട​ങ്ങു​ന്ന വീ​ഡി​യോ​യ്ക്കു 75 സെ​ക്ക​ൻ​ഡ് ദൈ​ർ​ഘ്യ​മാ​ണു​ള്ള​ത്.

ഒ​രു പെ​ണ്‍​കു​ട്ടി റോ​ഡി​ലൂ​ടെ അ​തി​വേ​ഗ​ത്തി​ൽ ഭ​യ​പ്പെ​ട്ട് ന​ട​ക്കു​ന്നു. ബാ​ങ്കു​വി​ളി​യോ​ടു സാ​മ്യ​മു​ള്ള ശ​ബ്ദ​മാ​ണ് പ​ശ്ചാ​ത്ത​ല​ത്തി​ൽ കേ​ൾ​ക്കു​ന്ന​ത്. അ​വ​ളു​ടെ മാ​താ​പി​താ​ക്ക​ൾ ഉ​ത്ക​ണ്ഠ​യോ​ടെ വീ​ട്ടി​ൽ കാ​ത്തി​രി​ക്കു​ന്ന​തും കാ​ണി​ക്കു​ന്നു.​ര​ക്ഷി​താ​ക്ക​ളു​ടെ പി​റ​കി​ൽ കൃ​ഷ്ണ വി​ഗ്ര​ഹ​വും ദൃ​ശ്യ​ങ്ങ​ളി​ൽ കാ​ണാം. വീ​ട്ടി​ലെ​ത്തി​യ അ​വ​ൾ കോ​ളിം​ഗ് ബെ​ല്ല​ടി​ക്കു​ന്നു.

അ​മ്മ വാ​തി​ൽ തു​റ​ന്ന​പ്പോ​ൾ ഉ​ട​ൻ അ​വ​രെ കെ​ട്ടി​പ്പി​ടി​ക്കു​ന്നു. അ​ച്ഛ​ൻ അ​വ​ളെ ആ​ശ്വ​സി​പ്പി​ക്കു​ന്ന​തി​നാ​യി നെ​റു​ക​യി​ൽ ത​ലോ​ടു​ന്ന​തും കാ​ണാം. തു​ട​ർ​ന്ന് അ​മ്മ​ ഗു​ജ​റാ​ത്തി​ൽ ഇ​ങ്ങ​നെ സം​ഭ​വി​ക്കു​മോ എ​ന്ന് നി​ങ്ങ​ൾ ക​രു​തു​ന്നു​ണ്ടോ എന്ന് ചോദിക്കുന്നു. 22 വ​ർ​ഷ​ങ്ങ​ൾ​ക്ക് മുൻപ് ഇ​ത് പ​തി​വാ​യി​രു​ന്നു​വെ​ന്നും അ​വ​ർ വ​ന്നാ​ൽ ഇ​ത് വീ​ണ്ടും സം​ഭ​വി​ക്കു​മെ​ന്നു​മാ​യി​രു​ന്നു അ​ച്ഛ​ന്‍റെ മ​റു​പ​ടി. ഭ​യ​പ്പെ​ടേ​ണ്ട​തി​ല്ല, മോ​ദി ഇ​വി​ടെ​യു​ണ്ട്. ആ​രും വ​രി​ല്ലെ​ന്നും പ​റ​ഞ്ഞ് മ​ക​ളെ ആ​ശ്വ​സി​പ്പി​ക്കു​ന്ന​തും വീ​ഡി​യോ​യി​ൽ കാ​ണാം.