ചീഫ് ജസ്റ്റിസിന്റെ വിമര്ശനത്തെത്തുടര്ന്ന് രാജീവ് ധവാന് പ്രാക്ടീസ് അവസാനിപ്പിച്ചു
തന്റെ വാദം കേള്ക്കാന് ചീഫ് ജസ്റ്റിസ് ദീപക് മിശ്ര അദ്ധ്യക്ഷനായ ബെഞ്ച് തയ്യാറാകാത്തതില് പ്രതിഷേധിച്ച് സുപ്രീംകോടതിയിലെ മുതിര്ന്ന അഭിഭാഷകനായ രാജീവ് ധവാന് പ്രാക്ടീസ് അവസാനിപ്പിച്ചു. ആവശ്യമെങ്കില് തനിക്ക് നല്കിയിട്ടുള്ള മുതിര്ന്ന അഭിഭാഷക പദവി തിരിച്ചെടുക്കാമെന്നും ചീഫ് ജസ്റ്റിസിന് അയച്ച കത്തില് ധവാന് ചൂണ്ടിക്കാട്ടി. ഡല്ഹി സംസ്ഥാന സര്ക്കാരും കേന്ദ്ര സര്ക്കാരും തമ്മിലുള്ള അധികാര തര്ക്കവുമായി ബന്ധപ്പെട്ട കേസില് ഭരണഘടനാ ബെഞ്ചിന് മുന്പാകെ തന്റെ വാദങ്ങള് അവതരിപ്പിക്കാന് സമയം അനുവദിച്ചില്ലെന്നാണ് രാജീവ് ധവാന്റെ പരാതി.
കഴിഞ്ഞാഴ്ച കേസില് രാജീവ് ധവാന് വാദം നടത്തവേ ചീഫ് ജസ്റ്റിസ് ഇടപ്പെട്ടിരുന്നു. ധവാന് ഉന്നയിച്ച വാദങ്ങള് മുതിര്ന്ന അഭിഭാഷകനായ ഗോപാല് സുബ്രഹ്മണ്യം അവതരിപ്പിച്ചതാണെന്നും ചീഫ് ജസ്റ്റിസ് പറഞ്ഞു. തുടര്ന്നും ധവാന് വാദങ്ങളുമായി മുന്നോട്ട് പോയപ്പോള്, വാദം അനാവശ്യവും അനവസരത്തിലുള്ളതാണെന്നും ചീഫ് ജസ്റ്റിസ് നിരീക്ഷിച്ചു. ഇതോടെ തന്റെ ഭാഗം പൂര്ണമായും കേള്ക്കണമെന്ന നിലപാടില് ധവാനും ഉറച്ചുനിന്നു.
നിങ്ങള് ഒച്ച വച്ചാലും പ്രശ്നമുള്ളു. നിങ്ങളുടെ സ്വഭാവമാണത്. ഞങ്ങള് ഞങ്ങളുടെ വിധി പുറപ്പെടുവിച്ച് കൊള്ളും മറ്റ് അഭിഭാഷകര്ക്ക് വാദം നടത്താന് അവസരം നല്കുകയും ചെയ്തു.
നേരത്തെ ബാബ്റി മസ്ജിദ് കേസിലെ വാദം കേള്ക്കലിനിടെ, 2019ലെ തിരഞ്ഞെടുപ്പ് ശേഷമേ കേസ് പരിഗണിക്കാന് പാടുള്ളുവെന്ന് ആവശ്യപ്പെട്ട് രാജീവ് ധവാനും കപില് സിബലും ചീഫ് ജസ്റ്റിസിനോട് വാദപ്രതിവാദത്തില് ഏര്പ്പെട്ടിരുന്നു. ഇതിന് പിന്നാലെ മറ്റൊരു കേസ് പരിഗണിക്കവേ മുതിര്ന്ന അഭിഭാഷകരുടെ പെരുമാറ്റത്തില് ചീഫ് ജസ്റ്റിസ് അതൃപ്തി രേഖപ്പെടുത്തിയിരുന്നു. പല മുതിര്ന്ന അഭിഭാഷകരും അവരുടെ പദവിക്ക് ചേര്ന്ന രീതിയില് അല്ല പ്രവര്ത്തിക്കുന്നതെന്നും ഒച്ചവയ്ക്കുന്നത് ശീലമാക്കിയിരിക്കുകയാണെന്നും പരോക്ഷമായി വിമര്ശിച്ചിരുന്നു. ഇതിന് പിന്നാലെയാണ് പ്രാക്ടീസ് അവസാനിപ്പിക്കുകയാണെന്ന് രാജീവ് ധവാന് അറിയിച്ചിരിക്കുന്നത്.
https://www.facebook.com/Malayalivartha
