കുട്ടികുറ്റവാളികള്ക്ക് ഇനി കടുത്ത ശിക്ഷ : നിയമഭേദഗതിക്ക് മന്ത്രിസഭയുടെ അംഗീകാരം
പ്രായപൂര്ത്തിയാകാത്ത കുട്ടികള് ഗൗരവമേറിയ കുറ്റകൃത്യങ്ങളില് ഏര്പ്പെടുകയാണെങ്കില് അവര്ക്ക് കടുത്ത ശിക്ഷ ഉറപ്പാക്കുന്നതിനുള്ള ജുവനൈല് ജസ്റ്റിസ് നിയമ ഭേദഗതിക്ക് കേന്ദ്രമന്ത്രിസഭായോഗം അംഗീകാരം നല്കി.
പുതിയ ഭേദഗതികളിലൂടെ പതിനാറ് വയസ്സിന് മുകളിലും 18 വയസ്സിന് താഴെയുള്ളവര് പ്രതികളാകുന്ന കേസുകളില് കുറ്റകൃത്യത്തിന്റെ കാഠിന്യം കണക്കിലെടുത്ത് ജുവനൈല് ജസ്റ്റിസ് ബോര്ഡിന് സാധാരണ ക്രിമിനല് കോടതിയിലേക്ക് കേസ് കൈമാറണമോയെന്ന് തീരുമാനിക്കാം. എന്നാല് ഇത്തരം കേസുകളില് പ്രതികളാകുന്ന പ്രായപൂര്ത്തിയാകാത്തവര്ക്ക് വധശിക്ഷയോ ജീവപര്യന്തം തടവോ വിധിക്കാന് സാധാരണ വിചാരണ കോടതികള്ക്ക് അധികാരമില്ലെന്നും പുതിയ ഭേദഗതികള് പറയുന്നു.
ശിശുക്ഷേമ മന്ത്രാലയം തയ്യാറാക്കിയ ഭേദഗതിക്ക് നിയമമന്ത്രാലയം കഴിഞ്ഞയാഴ്ച അംഗീകാരം നല്കിയിരുന്നു. പാര്ലമെന്റിന്റെ നടപ്പു സമ്മേളനത്തില് തന്നെ ബില് അവതരിപ്പക്കാനാണ് സാധ്യത.
https://www.facebook.com/Malayalivartha
