ഹജിന്റെ മറവില്‍ മനുഷ്യക്കടത്തും ഹവാല ഇടപാടും
ഹജിന്റെ മറവില്‍ മനുഷ്യക്കടത്തും ഹവാല ഇടപാടും നടക്കുന്നുവെന്ന്‌ കേന്ദ്രസര്‍ക്കാര്‍ സുപ്രീംകോടതിയില്‍ ആരോപണം ഉന്നയിച്ചു. ബംഗാളില്‍ നിന്ന് ഹജിനു പോയ സ്‌ത്രീകള്‍ ഇതുവരെ മടങ്ങിയെത്തിയിട്ടില്ല. ഇക്കാര്യം സൗദി അറേബ്യ ഇന്ത്യയെ അറിയിച്ചിട്ടുണ്ട്‌. അഡീഷനല്‍ സോളിസ്‌റ്റര്‍ ജനറല്‍ നീരജ്‌ കിഷന്‍ കൗളാണ്‌ കേന്ദ്ര നിലപാട്‌ സുപ്രീം കോടതിയെ അറിയിച്ചത്‌.
അതേസമയം, ഹജ്‌ നയത്തില്‍ തിരുത്തല്‍ വരുത്തണമെന്ന്‌ കേന്ദ്ര സര്‍ക്കാരിന്‌ സുപ്രീംകോടതി നിര്‍ദേശം നല്‍കി. സ്വകാര്യ ടൂര്‍ ഓപ്പറേറ്റര്‍മാരുമായി ബന്ധപ്പെട്ട ഹജ്‌ നയത്തിലെ രണ്ടു വ്യവസ്‌ഥകള്‍ റദ്ദാക്കി. ഹജ്‌ ക്വാട്ട ലഭിക്കാന്‍ ടൂര്‍ ഓപ്പറേറ്റര്‍മാര്‍ മൂന്നുവര്‍ഷത്തെ പണമടച്ചരേഖകള്‍ ഹാജരാക്കണമെന്ന്‌ വ്യവസ്‌ഥയാണ്‌ കോടതി റദ്ദാക്കിയത്‌.
നേരത്തെ പരിഗണിക്കാതിരുന്ന 21 ടൂര്‍ ഓപ്പറേറ്റര്‍മാരെക്കൂടി പരിഗണിക്കണമെന്നും കോടതി നിര്‍ദേശിച്ചു. അല്‍ഹിന്ദ്‌ ഗ്രൂപ്പ്‌ ബിനാമി ഏജന്‍സികള്‍ മുഖേന ഹജ്‌ ക്വാട്ട തരപ്പെടുത്തിയതായി കേന്ദ്ര സര്‍ക്കാര്‍ കോടതിയെ അറിയിച്ചു. ഇത്തരം ബിനാമി ഏജന്‍സികള്‍ ഹജ്‌ ക്വാട്ട സ്വന്തമാക്കുന്നത്‌ തടയാന്‍ നടപടിയെടുക്കണമെന്ന്‌ കോടതി നിര്‍ദേശിച്ചു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
