ബി.ജെ.പിയും സഖ്യകക്ഷികളും രാജ്യംമുഴുവന് അധികാരം ഉറപ്പിക്കുന്നു... കോണ്ഗ്രസ് ദുര്ബലം, ഇടത് പാര്ട്ടികള് അപ്രസക്തമാകുന്നു
കന്യാകുമാരി മുതല് കാശ്മീര് വരെ അടിത്തട്ടില് വേരോട്ടമുള്ള കോണ്ഗ്രസിന്റെ വേരറുത്തുകൊണ്ടുള്ള പടയോട്ടമാണ് ബി.ജെ.പി നടത്തുന്നത്. ബി.ജെ.പി നേതൃത്വം നല്കുന്ന എന്.ഡി.എ ഇരുപത് സംസ്ഥാനങ്ങളിലാണ് ഭരണം നടത്തുന്നത്. ത്രിപുര ഉള്പ്പെടെയാണിത്. ബി.ജെ.പിക്ക് 14 മുഖ്യമന്ത്രിമാരാണുള്ളത്. ആറേഴ് കൊല്ലത്തിനുള്ളിലാണ് അഭൂതപൂര്വമായ വളര്ച്ച ബി.ജെ.പി കൈവരിച്ചത്. തമിഴിനാട്ടിലും കേരളത്തിലും ഒഴികെ എന്.ഡി.എ്ക്ക് വ്യക്തമായ മേല്ക്കൈ നേടാനാവും. ത്രിപുരയിലെ വിജയം ബി.ജെ.പിയെ സംബന്ധിച്ച് കൂടുതല് ഊര്ജ്ജമാണ് നല്കുന്നത്. സി.പി.എമ്മിന്റെ കോട്ട കന്നിയങ്കത്തില് തന്നെ തകര്ത്ത് തരിപ്പണമാക്കിയ ആത്മവിശ്വാസം കേരളത്തിലേക്ക് കൂടുതല് ശ്രദ്ധകേന്ദ്രീകരിക്കാന് പാര്ട്ടി നേതൃത്വത്തെ പ്രേരിപ്പിക്കുന്നു.
അരുണാചല് പ്രദേശ്, അസാം, ചത്തിസ്ഗഡ്, ഗോവ, ഗുജറാത്ത്, ഹരിയാന, ഝാര്ഖണ്ഡ്, മധ്യപ്രദേശ്, മഹാരാഷ്ട്ര, മണിപ്പൂര്, രാജസ്ഥാന്, ഉത്തര്പ്രദേശ്, ഉത്തരാഖണ്ഡ്, ഹിമാചല് പ്രദേശ് സംസ്ഥാനങ്ങളില് ബി.ജെ.പി മുഖ്യമന്ത്രിമാരാണ് ഭരിക്കുന്നത്. ആന്ധ്രയില് തെലുങ്ക്ദേശം പാര്ട്ടിയുമായും ബിഹാറില് ജെ.ഡിയുമായും ജമ്മുകാശ്മീരില് പി.ഡി.പിയുമായും നാഗാലാന്ഡില് എന്.പി.എഫുമായും സിക്കിമില് എസ്.ഡി.എഫുമായും കൈകോര്ത്താണ് ബി.ജെ.പി അധികാരം കയ്യാളുന്നത്. ഹിന്ദുത്വ അജണ്ട മുന്നിര്ത്തിയാണ് ബി.ജെ.പി തെരഞ്ഞെടുപ്പിനെ നേരിടുന്നത്. എന്നാല് വടക്ക്കിഴക്കന് സംസ്ഥാനങ്ങളില് വികസനമാണ് ബി.ജെ.പിയും എന്.ഡി.എയും ഉയര്ത്തിപ്പിടിച്ചത്. സ്വാതന്ത്ര്യം കിട്ടിയിട്ട് 70 കൊല്ലം പിന്നിട്ടിട്ടും വടക്ക്കിഴക്കന് സംസ്ഥാനങ്ങളില് കാര്യമായ വികസനപ്രവര്ത്തനങ്ങളൊന്നും നടന്നിട്ടില്ല.
ഈ സംസ്ഥാനങ്ങളില് എം.പിമാരുടെയും എം.എല്.എമാരുടെയും സംഖ്യകുറവായതിനാല് ദീര്ഘകാലം രാജ്യംഭരിച്ച കോണ്ഗ്രസ് ഇവിടേക്ക് തിരിഞ്ഞ് നോക്കിയിട്ടില്ല. ഇതോടെയാണ് ഇവിടങ്ങളില് പ്രാദേശിക പാര്ട്ടികള് രൂപപ്പെട്ട് വന്നത്. ആദിവാസി സംസ്ഥാനം വേണമെന്ന് അടക്കമുള്ള ആവശ്യങ്ങളാണ് ഇവര് ഉയര്ത്തുന്നത്. ഈ തീവ്രനിലപാടുകളെ നേരിടാന് കോണ്ഗ്രസിനായില്ല. തീവ്രനിലപാടുള്ള പ്രാദേശിക കക്ഷികളെ കൂട്ടുപിടിച്ചാണ് ബി.ജെ.പി അധികാരത്തിലേറിയത്. ഇതിനെതിരെ കോണ്ഗ്രസും ഇടത് പാര്ട്ടികളും വിമര്ശനം ഉന്നയിക്കുന്നുണ്ട്. തീവ്രനിലപാടുകാരെ ദേശീയതയിലേക്ക് കൊണ്ടുവരാനാണ് തങ്ങള് ഇതിലൂടെ ശ്രമിക്കുന്നതെന്നാണ് ബി.ജെ.പി നേതൃത്വം വ്യക്തമാക്കുന്നത്.
https://www.facebook.com/Malayalivartha
