സി.പി.എമ്മിനെ പടുകുഴിയിലാക്കിയത് അപ്രദാമിത്വവും സോഷ്യല്മീഡിയയും
കാല്നൂറ്റാണ്ടായി ഭരണം തുടരുന്ന ത്രിപുരയിലെ സി.പി.എം നേതാക്കള്ക്ക് അഹങ്കാരവും തന്പോരിമയും കൂടി. മുഖ്യമന്ത്രി മണിക് സര്ക്കാര് കമ്മ്യൂണിസ്റ്റ് ലൈനിലാണ് ജീവിക്കുന്നതെങ്കിലും മറ്റ് നേതാക്കള് ബംഗാളിലെ നേതാക്കന്മാരെ പോലെ മാടമ്പിത്തരവും ജന്മിത്തരവും കാട്ടാന് തുടങ്ങി. യുവാക്കളുടെ ഇടയില് കുറേക്കാലമായി ഇതിരെതിരെ രോക്ഷം പുകഞ്ഞെരിയുകയായിരുന്നു. പക്ഷെ, അത് എങ്ങനെ പ്രകടിപ്പിക്കുന്നതിന് മാര്ഗമില്ലായിരുന്നു. തെരഞ്ഞെടുപ്പുകളില് എതിര്ത്ത് വോട്ട് ചെയ്താലും വ്യാപകമായി അതിന് പ്രചരണം നടത്താന് മാര്ഗമില്ലായിരുന്നു. ഇത് മനസിലാക്കിയാണ് ബി.ജെ.പി അവിടെ ചുവടുറപ്പിച്ചത്. സോഷ്യല് മീഡിയയെ അവര് സി.പി.എമ്മിനെതിരെ ആയുധമാക്കി.
കുറഞ്ഞനിരക്കില് ഇന്റര്നെറ്റ് സേവനം ബി.എസ്.എന്.എല്ലും മറ്റ് സ്വകാര്യ കമ്പനികളും നല്കിയതോടെ സോഷ്യല്മീഡിയ ഉപഭോക്താക്കളുടെ എണ്ണം വര്ദ്ധിച്ചു. ഇടത് സര്ക്കാരിന്റെ ജനദ്രോഹ നടപടികള്ക്കെതിരെ ബി.ജെ.പി സോഷ്യല് മീഡിയയിലൂടെ ക്യാമ്പയില് തുടങ്ങി. ഇതോടെ യുവാക്കള് സര്ക്കാരിനും പാര്ട്ടിക്കും എതിരെയുണ്ടായിരുന്ന എതിരഭിപ്രായങ്ങള് പരസ്യമായി പ്രകടിപ്പിക്കാന് തുടങ്ങി. യുവജനങ്ങളാണ് ഇതില് ഏറ്റവും കൂടുതല് എതിര്പ്പുമായി എത്തിയത്. ഇതിനെ തങ്ങള്ക്ക് അനുകൂലമായ തരംഗമാക്കി മാറ്റിയെടുക്കാന് ബി.ജെ.പിക്കായി. അതിനൊപ്പം കേന്ദ്രസര്ക്കാരിന്റെ വികസനപ്രവര്ത്തനങ്ങളും അവര് സോഷ്യല് മീഡിയയിലൂടെ അറിയിച്ചു. ഇതൊന്നും അറിയാതെ ഇടത് നേതാക്കള് അധികാരത്തിന്റെ തണലില് ഉറങ്ങുകയായിരുന്നു.
തെരഞ്ഞെടുപ്പ് ലക്ഷ്യം കണ്ട് ഒരുവര്ഷം മുമ്പ് ബി.ജെ.പി സോഷ്യല്മീഡിയ പ്രചരണം ആരംഭിച്ചിരുന്നു. ഇതിനായി പ്രത്യേകം പരിപാടികളും സംഘടിപ്പിച്ചു. ആയിരം യുവാക്കളെ കണ്ടെത്തി, അവര്ക്ക് സോഷ്യല് മീഡിയ പ്രചരണത്തിന്റെ ചുമതല നല്കുകയായിരുന്നു. ബിജെപിയുടെ ത്രിപുര സെക്രട്ടറി റാം മാധവ് തന്നെയാണ് സോഷ്യല്മീഡിയ വര്ക്ക്ഷോപ്പുകള്ക്ക് ചുക്കാന് പിടിച്ചത്. എന്നാല് യുവാക്കളെ മാത്രമേ ബി.ജെ.പിക്ക് ആകര്ഷിക്കാനായുള്ളു എന്ന നിലപാടിലാണ് സി.പി.എം. പാര്ട്ടിയുടെ വോട്ടിംഗ് ശതമാനം കുറയാത്തത് ചൂണ്ടിക്കാട്ടിയാണ് ഇവര് എതിര്ക്കുന്നത്.
https://www.facebook.com/Malayalivartha
