വഴിയടച്ച് ഖത്തറും ഒമാനും; രാജ്യാന്തര വിമാനത്താവളത്തിലേക്കു വിമാനങ്ങള്ക്ക് പ്രവേശനമില്ല, പൊതു ഗതാഗത സേവനങ്ങളും റദ്ദാക്കി
അതിവേഗം പടർന്നുകൊണ്ടിരിക്കുന്ന കർണ വൈറസിനെ ധൃതഗതിയിൽ പ്രതിരോധിക്കാൻ കൃത്യമായ മുൻകരുതലാണ് പ്രവാസലോകം കൈക്കൊള്ളുന്നത്. ഇതേതുടർന്ന് കോവിഡ് 19 നെ പ്രതിരോധിക്കാൻ പ്രവേശനവിലക്കുമായി ഖത്തറും ഒമാനും രംഗത്ത്. ഖത്തറിലേക്കുള്ള എല്ലാ വിമാനസർവീസുകളും നാളെ മുതൽ റദ്ദാക്കാൻ അമീര് ഷെയ്ഖ് തമീം ബിന് ഹമദ് അല്താനി ഉത്തരവിടുകയുണ്ടായി. മാർച്ച് 18 ബുധനാഴ്ച മുതൽ ഹമദ് രാജ്യാന്തര വിമാനത്താവളത്തിലേക്കു വിമാനങ്ങള്ക്ക് [പ്രവേശനാനുമതിയില്ല. പൊതു ഗതാഗത സേവനങ്ങളും റദ്ദാക്കിയിരിക്കുകയാണ്. വിദേശകാര്യ മന്ത്രാലയം വക്താവ് ലല്വ റാഷിദ് അല് ഖാദര് ദോഹയില് വാര്ത്താസമ്മേളനത്തിലാണ് ഇക്കാര്യങ്ങള് വിശദീകരിച്ചത് തന്നെ.
അതോടൊപ്പം തന്നെ 14 ദിവസത്തേക്കാണു സര്വീസുകള് നിര്ത്തിവയ്ക്കുന്നത്. ഇതിനോടകം കാര്ഗോ വിമാനങ്ങളെ ഉത്തരവില് നിന്ന് ഒഴിവാക്കിയിട്ടുണ്ട്. എന്നാൽ മറ്റ് രാജ്യങ്ങളിലുള്ള ഖത്തരി പൗരന്മാരെ തിരികെ ദോഹയിലേക്ക് എത്തിക്കുന്നതിനു മാത്രമായിരിക്കും സര്വീസ് അനുവദിക്കുക. സ്വകാര്യ മേഖലയ്ക്ക് 7,500 കോടി റിയാല് വരെ സാമ്പത്തിക ആനുകൂല്യം ലഭിക്കുന്നതായിരിക്കും.
ഇതേതുടർന്ന് എല്ലാ ബാങ്ക് ഇന്സ്റ്റാള്മെന്റുകളും 6 മാസത്തേക്ക് നീട്ടിവച്ചു. സര്ക്കാര് സ്കൂളുകളില് അടുത്ത ഞായറാഴ്ച മുതല് ഡിസ്റ്റന്റ്സ് പഠനം തുടങ്ങുന്നതായിരിക്കും. 55 വയസിന് മുകളില് പ്രായമുള്ളവര്, ഗര്ഭിണികള്, പ്രമേഹം, ഹൃദ്രോഗങ്ങള്, വൃക്ക രോഗങ്ങള് എന്നിവയുള്ളവര് വീട്ടിലിരുന്ന് ജോലി ചെയ്യണമെന്നും നിര്ദേശം മുന്നോട്ട് വച്ചിട്ടുമുണ്ട്. രാജ്യത്ത് 64 പേര്ക്ക് കൂടി രോഗം സ്ഥിരീകരിച്ചതോടെ രോഗബാധിതരുടെ എണ്ണം 401 ആയി ഉയര്ന്ന സാഹചര്യത്തിലാണ് കൂടുതല് ജാഗ്രതാ നടപടികള് സ്വീകരിച്ചുകൊണ്ടുള്ള നടപടികൾ പുറത്തേക്ക് വന്നത്.
അതേസമയം ഗൾഫ് രാജ്യങ്ങളിൽ നിന്നൊഴികെയുള്ള യാത്രക്കാർക്ക് ഒമാനും പ്രവേശനവിലക്കേർപ്പെടുത്തി. സൗദി, യുഎഇ, ഖത്തർ, ബഹ്റൈൻ, കുവൈത്ത് ഒഴികെയുള്ള രാജ്യങ്ങളിലെ പൗരൻമാർക്ക് കര, കടൽ, വിമാനമാർഗങ്ങളിലൂടെ ഇന്നു മുതൽ രാജ്യത്തേക്കു പ്രവേശിക്കാനാകില്ലെന്നു ഒമാൻ ആഭ്യന്തരമന്ത്രാലയം അറിയിക്കുകയുണ്ടായി. എന്നാൽ എന്നു വരെ പ്രവേശന വിലക്കു തുടരുമെന്നു മന്ത്രാലയം വ്യക്തമാക്കിയിട്ടില്ല. വെള്ളിയാഴ്ചകളിലെ പ്രാർഥനകൾ, വിവാഹം തുടങ്ങി എല്ലാ പൊതുപരിപാടികളും റദ്ദാക്കുകയും ചെയ്തു. രാജ്യത്തേക്കു പ്രവേശിക്കുന്ന പൗരൻമാരെയടക്കം ക്വാറന്റീൻ ചെയ്യുമെന്നും ആഭ്യന്തരമന്ത്രി സയിദ് ഹമൂദ് ബിൻ ഫൈസൽ അൽ ബുസൈദിയുടെ അധ്യക്ഷതയിൽ ചേർന്ന യോഗം തീരുമാനിക്കുകയും ഉണ്ടായി. ഒമാനിൽ 22 പേർക്കാണ് ഇതുവരെ കോവിഡ് 19 സ്ഥിരീകരിച്ചത് തന്നെ.
https://www.facebook.com/Malayalivartha
