പതിനഞ്ചു വര്ഷത്തെ പ്രവാസജീവിതത്തില് കെട്ടിപടുത്തുയര്ത്തിയ സ്വപ്നവീട്ടില് താമസിക്കാനാവാതെ മുജിബ് യാത്രയായി... ഗൃഹപ്രവേശനത്തിനായി നാട്ടിലേക്ക് വരാനിരിക്കെയാണ് മുജീബ് റഹ്മാനെ മരണം കോവിഡിന്റെ രൂപത്തില് കീഴടക്കിയത്
പതിനഞ്ചു വര്ഷത്തെ പ്രവാസജീവിതത്തില് കെട്ടിപടുത്തുയര്ത്തിയ സ്വപ്നവീട്ടില് താമസിക്കാനാവാതെ മുജിബ് യാത്രയായി. വീടുപണി പൂര്ത്തിയായി അടുത്തമാസം ഗൃഹപ്രവേശനത്തിനായി നാട്ടിലേക്ക് വരാനിരിക്കെയാണ് മുജീബ് റഹ്മാനെ (42) മരണം കോവിഡിന്റെ രൂപത്തില് കീഴടക്കിയത്.
കോവിഡിനെ തുടര്ന്ന് കഴിഞ്ഞ 15 ദിവസമായി കുവൈത്തിലെ ഫര്വ്വാനിയ ആശുപത്രിയില് ചികിത്സയിലായിരുന്നു മുജീബ് റഹ്മാന്. ഒമ്പതുതവണ നാട്ടില് വന്നുപോയി. അവസാനമായി വന്നത് ഏഴുമാസം മുമ്പായിരുന്നു. അന്നാണ് വീട് പണി തുടങ്ങുന്നത്. പ്രൈവറ്റ് കമ്പനികളുടെ കമ്പ്യൂട്ടര് ടെക്നീഷ്യനായി ജോലി നോക്കിയിരുന്ന മുജീബിന് കഴിഞ്ഞവര്ഷമാണ് സര്ക്കാറിന്റെ റവന്യൂ വകുപ്പില് ജോലി ലഭിച്ചത്. ഭാര്യ ഫസീന എം.ഇ.എസ് സെന്ട്രല് സ്കൂള് അധ്യാപികയാണ്.
പിതാവ് ബാവ 45 വര്ഷമായി വിദേശത്താണ്. റിങ്ക് അല്ബുര്ദ ബേക്കറി സ്ഥാപകരിലൊരാളും കൂടിയാണ് ഇദ്ദേഹം. കഴിഞ്ഞദിവസം നാട്ടിലേക്ക് വരണമെന്ന കാര്യം പറഞ്ഞ് മുജീബ് വീട്ടിലേക്ക് വിളിച്ചിരുന്നു.
"
https://www.facebook.com/Malayalivartha
