പ്രവാസികള്ക്ക് നേരിയ ആശ്വാസം :സൗദിയുടെ അതിനിര്ണായക തീരുമാനം : രാജ്യാന്തര യാത്രാ വിലക്ക് പിന്വലിക്കുവാന് ഒരുങ്ങി സൗദി
കൊറോണയുടെ പശ്ചാത്തലത്തില് സൗദി അറേബ്യ രാജ്യാന്തര യാത്രാ നിരോധനം ഏര്പ്പെടുത്തിയിരുന്നു. ഇത് പ്രവാസികള് അടക്കമുള്ള യാത്രക്കാരെ ഈ കൊറോണക്കാലത്ത് വളരെയധികം ദോഷകരമായി ബാധിച്ചിരുന്നു.
എന്നാല് തിങ്കളാഴ്ച പുലര്ച്ചെ ഒരു മണിക്ക് ഈ വിലക്ക് പിന്വലിക്കുമെന്ന വിവരങ്ങള് പുറത്തുവന്നു. യാത്രാ വിലക്ക് പിന്വലിക്കുന്നതോടെ യു.എ.ഇ, കുവൈത്ത്, ഒമാന് തുടങ്ങിയ ഗള്ഫ് രാജ്യങ്ങളില്നിന്നും സൗദിയിലേക്ക് വിമാനസര്വീസുണ്ടാകും. ഈ ഗള്ഫ് രാജ്യങ്ങള് ഇന്ത്യക്കാര്ക്ക് നിലവില് ഏര്പ്പെടുത്തിയ യാത്രാ വിലക്ക് പിന്വലിക്കുക കൂടി ചെയ്താല് ഇന്ത്യക്കാര്ക്ക് സൗദിയിലേക്ക് എത്താന് വഴിയൊരുങ്ങുകയാണ് .
ഇന്ത്യ അടക്കമുള്ള 20-ഓളം രാജ്യങ്ങളിലെ പൗരന്മാര്ക്ക് സൗദിയിലേക്ക് നേരിട്ട് പ്രവേശിക്കുവാന് നിലവില് വിലക്ക് നിലനില്ക്കുന്നുണ്ട്. സൗദി വിലക്കേര്പ്പെടുത്താത്ത രാജ്യങ്ങളിലേതെങ്കിലും ഒരിടത്ത് 14 ദിവസം ക്വാറന്ന്റെനില് കഴിഞ്ഞാല് മാത്രമേ ഇന്ത്യക്കാര്ക്ക് സൗദിയില് പ്രവേശിക്കുവാന് സാധിക്കു.
തിങ്കളാഴ്ച പുലര്ച്ചെ സൗദി അറേബ്യ അതിര്ത്തികള് തുറക്കുകയും മറ്റ് ഗള്ഫ് രാജ്യങ്ങള് ഇന്ത്യക്കാര്ക്ക് ഏര്പ്പെടുത്തിയ യാത്രാവിലക്ക് പിന്വലിക്കുകയും ചെയ്താലും ഇന്ത്യക്കാര്ക്ക് ആശ്വസിക്കാന് വകയുണ്ട്. സൗദി ഇന്ത്യക്കാര്ക്ക് നേരിട്ടുള്ള പ്രവേശനത്തിന് വിലക്ക് തുടര്ന്നാലും യു.എ.ഇ, കുവൈത്ത്, ഒമാന് തുടങ്ങിയ ഗള്ഫ് രാജ്യങ്ങള് വഴി താമസിയാതെ തങ്ങള്ക്ക് സൗദിയിലെത്താനാകുമെന്ന പ്രതീക്ഷ മുന്നിലുണ്ട്. ഇത്തരത്തിലൊരു ശുഭപ്രതീക്ഷയോടെ കാത്തിരിക്കുകയാണ് മലയാളികളടക്കമുള്ള ഇന്ത്യക്കാരായ പ്രവാസികള്.
മലയാളികളടക്കമുള്ള നിരവധി ഇന്ത്യക്കാരാണ് സൗദിയിലേക്ക് പോകാനാവാതെ നാട്ടില് കുടുങ്ങിയിട്ടുള്ളത്. കഴിയുന്നത്ര വേഗത്തില് സൗദിയില് തിരിച്ചെത്തി ജോലിയില് തിരികെ പ്രവേശിക്കാനാണ് പലരുടെയും ആഗ്രഹം. ഈ പ്രതിസന്ധിഘട്ടത്തില് ജോലി നഷ്ടപ്പെട്ടവരും കുറവല്ല.
യാത്രാ മാര്ഗം ശരിയായാല് തൊഴിലുടമകളുമായി ബന്ധപ്പെട്ട് വിസ പുതുക്കുന്ന നടപടികള് ആരംഭിക്കണമെന്നാണ് പലരും കരുതുന്നത്. ഇത്രയുംനാള് യാത്രാ സൗകര്യം പുനരാരംഭിക്കുംവരെ കാത്തിരിക്കയായിരുന്നു പലരും. എന്തായാലും ഇന്ന് പുലര്ച്ചയോടെ സൗദി ഏര്പ്പെടുത്തിയ വിലക്ക് പിന്വലിച്ചു എന്നത് പകുതിയോളം പ്രതീക്ഷ നല്കുന്ന കാര്യം തന്നെയാണ്.
"
https://www.facebook.com/Malayalivartha
