സൗദിയില് കോവിഡ് പ്രതിരോധ വാക്സീന് സ്വീകരിക്കാത്തവര്ക്ക് ഓഗസ്റ്റ് ഒന്നു മുതല് പുറത്തിറങ്ങുന്നതിന് നിയന്ത്രണം : തീരുമാനം കടുപ്പിച്ച് സൗദി
ആ തീരുമാനം കടുപ്പിച്ച് സൗദി. തീരുമാനം അനുസരിച്ചില്ലെങ്കില് ഓഗസ്റ്റ് ഒന്നു മുതല് സംഭവിക്കുന്നത്! സൗദിയില് കോവിഡ് പ്രതിരോധ വാക്സീന് സ്വീകരിക്കാത്തവര്ക്ക് ഓഗസ്റ്റ് ഒന്നു മുതല് പുറത്തിറങ്ങുന്നതിന് നിയന്ത്രണം ഏര്പ്പെടുത്തിയിരിക്കുകയാണ്.
ഒട്ടുമിക്ക ഇടങ്ങളിലും പ്രവേശിക്കുന്നതിനു വാക്സീന് നിബന്ധമാക്കി.ഈ തീരുമാനത്തിന്റെ അടിസ്ഥാനത്തില് അഭ്യന്തര മന്ത്രാലയം പുതിയ നിബന്ധകള് പ്രഖ്യാപിച്ചു കഴിഞ്ഞു. തൊഴിലിടങ്ങളില് തന്നെ വാക്സീന് നിര്ബന്ധമാക്കി എന്ന തീരുമാനം വന്നിരുന്നു .ഈ തീരുമാനവും ഓഗസ്റ്റ് ഒന്നു മുതല് നടപ്പിലാക്കും.
വാക്സീന് സ്വീകരിക്കാതെ ഇനി ഏതെങ്കിലും സര്ക്കാര്, സ്വകാര്യ സ്ഥാപനങ്ങളില് പ്രവേശിക്കുന്നതിനോ, സാമ്പത്തിക, വാണിജ്യ, സാംസ്കാരിക, വിനോദ, കായിക ഇടങ്ങളില് പ്രവേശിക്കുന്നതിനോ കഴിയില്ലെന്നാണ് പുറപ്പെടുവിച്ചിരിക്കുന്ന അറിയിപ്പ്.
അതുപോലെ സാംസ്കാരിക, ശാസ്ത്രീയ, സാമൂഹിക, വിനോദ പരിപാടികളിലും പങ്കെടുക്കാന് സാധിക്കില്ല. സര്ക്കാര്, സ്വകാര്യ വിദ്യാഭ്യാസ കേന്ദ്രങ്ങളില് പ്രവേശിക്കുന്നതിനും ഓഗസ്റ്റ് ഒന്നു മുതല് വാക്സീന് നിര്ബന്ധമാക്കി . ഇതിനെല്ലാം പുറമെ പൊതുഗതാഗത സംവിധാനം വാക്സീന് സ്വീകരിച്ചവര്ക്കു മാത്രമേ ഉപയോഗിക്കാനാകൂ എന്നതും ശ്രദ്ധേയമായ കാര്യം.
പൊതു ജനാരോഗ്യ സംരക്ഷണം ലക്ഷ്യം വച്ചാണ് പുതിയ നീക്കമെന്ന് മന്ത്രാലയം വ്യക്തമാക്കി. പൗരന്മക്കും പ്രവാസികള്ക്കും ഇതു ബാധകമാകുക തന്നെ ചെയ്യും. അഭ്യന്തര മന്ത്രാലയത്തിന്റെ ട്രാക്കിങ് ആപ്ലികേഷന് ആയ തവക്കല്നയില് കാണുന്ന വാക്സീന് സ്റ്റാറ്റസ് അനുസരിച്ചായിരിക്കും പൊതുസമ്പര്ക്ക ഇടങ്ങളിലേക്കുള്ള പ്രവേശനം തീരുമാനിക്കുക.
രാജ്യാന്തര യാത്രക്കാരുടെ വിവരങ്ങള് നിരീക്ഷിക്കാന് തവക്കല്നാ ആപ്പിലെ വിവരങ്ങള് നേരിട്ട് പാസ്പോര്ട്ട് വിഭാഗവുമായി ബന്ധിപ്പിച്ചിരിക്കുകയാണ്. ഓരോ മേഖലയിലെയും അധികാരികള് അവരുടെ പരിധിയിലെ ജീവനക്കാരും ഇടപാടുകാരും ഈ വ്യവസ്ഥകള് പാലിച്ചുവെന്ന് ഉറപ്പുവരുത്തണമെന്നും മന്ത്രാലയം നിര്ദേശം നല്കി കഴിഞ്ഞു.
വാക്സീന് സ്വീകരിക്കാതെ പുറത്ത് നിന്ന് വരുന്നവര്ക്ക് ഈ മാസം 20 മുതല് 7 ദിവസത്തെ നിര്ബന്ധിത ഹോട്ടല് ക്വാറന്റീന് നിര്ബന്ധമാക്കി . ഇത് ലംഘിക്കുന്നവര്ക്ക് 5 ലക്ഷം റിയാല് വരെയാണ് പിഴ ഈടാക്കുക. കൂടുതല് വിവരങ്ങള് അടങ്ങിയ മാര്ഗനിര്ദേശങ്ങള് ഓരോ കേന്ദ്രത്തിലേക്കും കൈമാറുമെന്നും അധികൃതര് വ്യക്തമാക്കി.
പൊതു ജനാരോഗ്യ വിഭാഗത്തിന്റെ നിരന്തര നിരീക്ഷണത്തിനും വിലയിരുത്തലിനും വിധേയമായിട്ടായിരിക്കും പുതിയ നടപടികക്രമങ്ങള് പ്രവര്ത്തികമാക്കുകയെന്നും ബന്ധപ്പെട്ടവര് വ്യക്തമാക്കി. അസ്ട്രാസെനിക്ക, ഫൈസര്- ബയോന്ടെക്, ജോണ്സണ് ആന്ഡ് ജോണ്സണ്, മോഡേണ എന്നീ നാല് കോവിഡ് പ്രതിരോധ വാക്സീനുകള്ക്കാണ് സൗദിയില് അംഗീകാരമുള്ളത്. ഏതായാലും ഈ വിവരങ്ങള് എല്ലാവരും അറിഞ്ഞിരിക്കുക.
"
https://www.facebook.com/Malayalivartha
