പരാതി നല്‍കണമെങ്കില്‍ സ്‌പോണ്‍സര്‍ക്ക് പുതിയ നടപടിക്രമം പാലിക്കണം
മാന്‍പവര്‍ അതോറിറ്റി ഡയറക്ടര്‍ ജനറല്‍ അബ്ദുല്ല അല്‍ മതൂഹാണു പുതിയ ചട്ടം പ്രഖ്യാപിച്ചത്. ജീവനക്കാരന്‍ ഒളിച്ചോടിയെന്നു സ്‌പോണ്‍സര്‍ക്കു പരാതി നല്‍കണമെങ്കില്‍ ഇനി പുതിയ നടപടിക്രമം പാലിക്കണം. സ്‌പോനണ്‍സര്‍ മാന്‍പവര്‍ അതോറിറ്റിക്കാണ് പരാതി നല്‍കേണ്ടത്. ഈ നോട്ടിസിന് 90 ദിവസം കാലപരിധിയുണ്ടാകും. ഈ കാലപരിധിക്കുള്ളില്‍ തൊഴിലുടമയും തൊഴിലാളിയും തമ്മില്‍ പ്രശ്‌നപരിഹാരം സാധ്യമാവുകയാണെങ്കില്‍ വിവരം മാന്‍പവര്‍ അതോറിറ്റിയെ അറിയിക്കുകയും പരാതി പിന്‍വലിക്കുകയും ചെയ്യാം. രിഹാരമായില്ലെങ്കില്‍ 90 ദിവസത്തിനുശേഷം തൊഴിലുടമ മാന്‍പവര്‍ അതോറിറ്റിയില്‍ നിന്ന് കേസ് രേഖ കൈപ്പറ്റി ആഭ്യന്തരമന്ത്രാലയത്തിനു സമര്‍പ്പിക്കണം. ആഭ്യന്തരമന്ത്രാലയത്തിനു പരാതി ലഭിക്കുന്നതോടെ ജീവനക്കാരന്റെ ഇഖാമ (താമസാനുമതി) റദ്ദാക്കുന്നതും പിടികൂടി നാടുകടത്തുന്നതുമാണ്. തിരിച്ചുവരാതിരിക്കാന്‍ വിരലടയാളം രേഖപ്പെടുത്തി കരിമ്പട്ടികയില്‍ പെടുത്തിയാകും നാടുകടത്തല്‍.
2016 ഏപ്രില്‍ ഒന്നിനുശേഷം കഴിഞ്ഞ മാര്‍ച്ച് 31വരെയുള്ള പരാതികളില്‍ ഒരു ഇളവുമില്ലാതെ നാടുകടത്തല്‍ ഉണ്ടാകുമെന്ന് അദ്ദേഹം പറഞ്ഞു. തിനു മുന്‍പുള്ള പരാതികളില്‍ തൊഴിലുടമയും തൊഴിലാളിയും തമ്മില്‍ പ്രശ്‌നം പരിഹരിച്ചിട്ടുണ്ടെങ്കില്‍ പ്രസ്തുത വിവരം മാന്‍ പവര്‍ അതോറിറ്റിയുടെ പ്രശ്‌നപരിഹാര സമിതിയെ ധരിപ്പിച്ചാല്‍ പരാതി പിന്‍വലിക്കാന്‍ സാധിക്കും. തുടര്‍ നടപടികളും ഉണ്ടായിരിക്കില്ല. 2016 ഏപ്രില്‍ ഒന്നിനുശേഷമുള്ള ഒളിച്ചോടല്‍ പരാതിക്ക് വിധേയരായ സ്വകാര്യമേഖലയിലെ തൊഴില്‍ വീസക്കാരെ നാടുകടത്താന്‍ കഴിഞ്ഞ ദിവസമാണ് തീരുമാനിച്ചത്. പൊതുമേഖലയിലുള്ളവര്‍ക്കും ഗാര്‍ഹികത്തൊഴിലാളികള്‍ക്കും ഈ വ്യവസ്ഥ ബാധകമല്ലെന്നും അധികൃതര്‍ അറിയിച്ചിരുന്നു. വിദേശികളെ സംബന്ധിച്ചിടത്തോളം ആശങ്കാജനകമായ തീരുമാനമാണ് അതെന്ന വിലയിരുത്തലുമുണ്ട്.
https://www.facebook.com/Malayalivartha
