മലപ്പുറം വെളിയങ്കോട് സ്വദേശി യൂസഫ് ആണ് ദുബായ് എമിഗ്രെഷന്‍ അധികൃതരുടെ പിടിയില്‍പ്പെട്ട് കഴിഞ്ഞ മൂന്നു ദിവസമായി ആശങ്കയില്‍ കഴിയുന്നത്. ബഹറൈനില്‍ നിന്ന് നാട്ടിലേക്ക് അവധിക്ക് പോയതായിരുന്നു യൂസഫ്. ഏപ്രില്‍ 18 ചൊവാഴ്ച വൈകീട്ട് 6.30 നുള്ള ഫ്‌ളൈ ദുബായ് വിമാനത്തിലാണ് യൂസഫ് നാട്ടിലേയ്ക്ക് പുറപ്പെട്ടത്. ദുബൈയില്‍ നിന്നും കണക്ഷന്‍ ഫ്‌ളൈറ്റ് ആയിരുന്നു. ദുബായ് വിമാനത്താവളത്തില്‍ നിന്ന് അടുത്ത വിമാനത്തില്‍ മാറിക്കയറുന്നതിനായി എമിഗ്രെഷന്‍ പരിശോധനാ കൗണ്ടറില്‍ എത്തിയപ്പോഴാണ് തന്റെ പാസ്‌പോര്‍ട്ട് നഷ്ടപ്പെട്ട വിവരം യൂസഫ് അറിയുന്നത്. 

തുടര്‍ന്നുള്ള യാത്രയ്ക്ക് അനുമതി നിഷേധിക്കപ്പെടുകയുമായിരുന്നുവെന്നാണ് ദുബായ് വിമാനത്താവളത്തില്‍ നിന്ന് യൂസഫിന്റെ വീട്ടില്‍ വിളിച്ചറിയിച്ചത്.ഫ്‌ളൈ ഡിപിഐ അധികൃതരും ദുബായ് വിമാനത്താവളാധികൃതരും വിമാനത്താവളത്തില്‍ എല്ലായിടത്തും തെരച്ചില്‍ നടത്തിയെങ്കിലും പാസ്സ്‌പോര്‍ട്ട് കണ്ടെത്താനായില്ല. യൂസഫിനെ വിമാനത്താവളത്തില്‍ അധികൃതര്‍ പിടിച്ചു വച്ചിരിക്കുന്ന വിവരം അറിഞ്ഞ യൂസഫിന്റെ നാട്ടിലെ സുഹൃത്തുക്കള്‍ ബഹ്‌റൈനിലെ അദ്ദേഹത്തിന്റെ തൊഴിലുടമയെയും സാമൂഹ്യ പ്രവര്‍ത്തകനായ ബഷീര്‍ അന്പലായിലെയും ബന്ധപ്പെട്ടു. 

ഇന്ത്യന്‍ എംബസി അധികൃതരെയും വിവരം ധരിപ്പിച്ചിട്ടുണ്ട്. യു എ ഇ എംബസിയുമായി ബന്ധപ്പെട്ടു വേണ്ടതെല്ലാം ചെയ്യാമെന്ന് എംബസി അധികൃതര്‍ അറിയിച്ചതായി ബഷീര്‍ പറഞ്ഞു. അടുത്ത പ്രവര്‍ത്തി ദിവസം തന്നെ യൂസഫിന് ഔട്ട് പാസ് ശരിയാക്കി യു എ യിലേക്ക് കൊടുത്തയാക്കാനാണ് തീരുമാനം. യൂസഫിന്റെ അവസ്ഥ യു എ എയിലെ സാമൂഹ്യ പ്രവര്‍ത്തകരെയും അറിയിച്ചിട്ടുണ്ട്.