യുഎസില് ഇന്ത്യക്കാരന്റെ വീട്ടിലേക്ക് ചീമുട്ടകളും നായ്ക്കളുടെ വിസര്ജ്യവും എറിഞ്ഞ് ആക്രമണം
യുഎസിലെ കന്സാസില് ഇന്ത്യക്കാരനായ എന്ജിനിയര് വെടിയേറ്റു കൊല്ലപ്പെട്ട സംഭവത്തിനു പിന്നാലെ യുഎസിലെ വംശീയ അതിക്രമങ്ങള് വെളിപ്പെടുത്തുന്ന കൂടുതല് റിപ്പോര്ട്ടുകള് പുറത്തുവന്നു .കഴിഞ്ഞദിവസം കന്സാസില് എന്റെ രാജ്യത്തുനിന്നു പുറത്തുപോകൂ എന്ന് ആക്രോശിച്ചാണ് അക്രമി ഇന്ത്യന് എന്ജിനീയര് വെടിവെച്ചത് .
പടിഞ്ഞാറന് യുഎസ് സംസ്ഥാനമായ കൊളറാഡോയില് ഇന്ത്യക്കാരന്റെ വീട്ടില് ചീമുട്ടകളും നായ്ക്കളുടെ വിസര്ജ്യവും മറ്റും നിക്ഷേപിക്കുകയും വിദ്വേഷപരമായ സന്ദേശങ്ങള് എഴുതിയ കുറിപ്പുകള് ഇടുകയും ചെയ്തു. വീടിനു പുറത്തായി ഇന്ത്യക്കാരന് ഇവിടെ കഴിയേണ്ടവനല്ലെന്ന് എഴുതിയിട്ടുമുണ്ട്. ഫെബ്രുവരി ആറിനു നടന്ന സംഭവം എഫ്ബിഐ അന്വേഷിക്കുകയാണ്.
വിദ്വേഷ സന്ദേശങ്ങളെഴുതിയ കുറിപ്പുകള് വീടിനുള്ളില് പരന്നു കിടക്കുകയായിരുന്നുവെന്ന് പ്രാദേശിക മാധ്യമങ്ങള് റിപ്പോര്ട്ടു ചെയ്തു. സന്ദേശങ്ങളെഴുതിയ 50ല്പരം കുറിപ്പുകളാണ് വാതില്, ജനല്, കാര് തുടങ്ങിയ സ്ഥലങ്ങളില്നിന്നായി വീട്ടുടമയ്ക്കു കിട്ടിയത്. നാല്പ്പതോളം മുട്ടകളും അജ്ഞാതരായവര് എറിഞ്ഞെന്ന് ഇയാള് പരാതിപ്പെട്ടിട്ടുണ്ട്.
അതേസമയം, ഇത്രയും സംഭവങ്ങള് അരങ്ങേറിയിട്ടും യുഎസില് സഹാനുഭൂതിയുള്ളവരുണ്ടെന്നും അദ്ദേഹം വ്യക്തമാക്കി. അയല്വാസികള് എല്ലാവരും ചേര്ന്നാണു വീടു വൃത്തിയാക്കിയത്.
https://www.facebook.com/Malayalivartha