20,000 രൂപ വരെയുള്ള സാധനങ്ങള് നാട്ടിലേക്ക് നികുതിയില്ലാതെ അയക്കാന് കഴിയുന്ന ഡ്യൂട്ടി ഫ്രീ നോട്ടിഫിക്കേഷന് എടുത്തുകളഞ്ഞതിനെ തുടര്ന്ന് ഗള്ഫില്നിന്നുള്ള കാര്ഗോ പ്രതിസന്ധിയില്
കുവൈത്ത് സിറ്റി: 20,000 രൂപ വരെയുള്ള സാധനങ്ങള് നാട്ടിലേക്ക് നികുതിയില്ലാതെ അയക്കാന് കഴിയുന്ന ഡ്യൂട്ടിഫ്രീ നോട്ടിഫിക്കേഷന് എടുത്തുകളഞ്ഞതിനെ തുടര്ന്ന് ഗള്ഫില്നിന്നുള്ള കാര്ഗോ പ്രതിസന്ധിയില്. ജി.എസ്.ടി വന്നതിനോടനുബന്ധിച്ച് ജൂലൈ ഒന്നു മുതലാണ് പുതിയ മാറ്റം. ഡ്യൂട്ടി വന്നതോടെ ജി.എസ്.ടിയും നല്കേണ്ടിവരുന്നു.
10 ശതമാനം ഡ്യൂട്ടിയും 28 ശതമാനം ജി.എസ്.ടിയും മൂന്നു ശതമാനം സെസും ചേര്ന്നപ്പോള് 41 ശതമാനം എന്ന താങ്ങാനാവാത്ത തുക അധികം നല്കണം. ഇത് കാര്ഗോ ബിസിനസിെന്റ നടുവൊടിക്കുന്നതാണെന്ന് കുവൈത്ത് ഇന്ത്യ കാര്ഗോ അസോസിയേഷന് വൈസ് പ്രസിഡന്റ് കൂടിയായ റജബ് കാര്ഗോ കുവൈത്ത് മാനേജിങ് ഡയറക്ടര് ഗഫൂര് 'ഗള്ഫ് മാധ്യമ'ത്തോട് പറഞ്ഞു. മിക്ക വിമാനക്കമ്ബനികളും 30 കിലോ വരെയാണ് ലഗേജ് അനുവദിക്കുന്നത്. ചില കമ്ബനികളില് ഇത് 20 കിലോ മാത്രമാണ്. ഇത്തരം അവസ്ഥയില് ഒന്നും രണ്ടും കൊല്ലത്തിന് ശേഷം നാട്ടില്പോവുന്ന പ്രവാസികള് കാര്ഗോ വഴിയാണ് അത്യാവശ്യ സാധനങ്ങള് നാട്ടിലേക്ക് അയച്ചിരുന്നത്. പുതിയ സാഹചര്യത്തില് സാധാരണക്കാരായ പ്രവാസികളും പ്രയാസത്തിലാണ്.
41 ശതമാനം ഡ്യൂട്ടി നല്കി സാധനങ്ങള് അയക്കാന് ഇവര്ക്ക് ബുദ്ധിമുട്ടുണ്ട്. ഇത് കാര്ഗോ മേഖലയെ പ്രതിസന്ധിയിലാക്കുന്നു. വിദേശത്തും ഇന്ത്യയിലുമായി കാര്ഗോ മേഖലയില് ജോലിചെയ്യുന്ന രണ്ടുലക്ഷത്തോളം തൊഴിലാളികളുമാണ് പ്രതിസന്ധിയിലാവുന്നത്. കാര്ഗോ മേഖലയിലെ പ്രതിസന്ധി ഉടന് പരിഹരിക്കാന് ഇടപെടണമെന്നാവശ്യപ്പെട്ട് സംഘടന നീക്കം ആരംഭിച്ചിട്ടുണ്ട്. ഗള്ഫ് രാജ്യങ്ങളില്നിന്ന് ദിവസവും 300 ടണ് സാധനങ്ങളാണ് ഇന്ത്യയിലേക്ക് അയച്ചിരുന്നത്.
https://www.facebook.com/Malayalivartha