ന്യൂ​യോ​ര്‍​ക്​: ഹാ​ര്‍​വി കൊ​ടു​ങ്കാ​റ്റും തു​ട​ര്‍​ന്നു​ണ്ടാ​യ പേ​മാ​രി​യും അ​മേ​രി​ക്ക​യി​ലെ ഏ​റ്റ​വും വ​ലി​യ നാ​ലാ​മ​ത്തെ ന​ഗ​ര​ത്തെ പ്ര​ള​യ​ത്തി​ല്‍ മു​ക്കി​​യ​തോ​ടെ 200 ഒാ​ളം ഇന്ത്യന്‍ വിദ്യാര്‍ഥികളാണ് ഹ്യൂ​സ്​​റ്റ​ന്‍ സ​ര്‍​വ​ക​ലാ​ശാ​ല​യി​ല്‍ കു​ടു​ങ്ങി​ക്കി​ട​ക്കു​ന്ന​ത്​. പ്രളയത്തില്‍ കുടുങ്ങിയ രണ്ട് ഇന്ത്യന്‍ വിദ്യാര്‍ഥികളുടെ നില ഗുരുതരം. ടെക്സസിലെ എ ആന്‍റ് എം സര്‍വകലാശാല വിദ്യാര്‍ഥികളായ ശാലിനി, നിഖില്‍ ഭാട്ടിയ എന്നിവരാണ് ആശുപത്രിയില്‍ തീവ്രപരിചരണ വിഭാഗത്തില്‍ കഴിയുന്നത്. ടെക്സസിലെ തടാകത്തില്‍ മുങ്ങിപ്പോയ ഇവരെ പൊലീസുകാര്‍ രക്ഷപ്പെടുത്തുകയായിരുന്നു.

അമേരിക്കയിലെ ഇന്ത്യന്‍ സ്ഥാനപതി ആശുപത്രിയിലെത്തുകയും വിദ്യാര്‍ഥികളുടെ ആരോഗ്യവിവരങ്ങള്‍ പരിശോധിക്കുകയും ചെയ്യുന്നുണ്ട്. കോണ്‍സുലേറ്റ് അധികൃതര്‍ വിവരം ബന്ധുക്കളെ അറിയിച്ചതിനെ തുടര്‍ന്ന് നിഖിലിന്‍റെ മാതാവ് അമേരിക്കയിലെത്തി. ശാലിനിയുടെ സഹോദരന്‍ഉടൻ എത്തുമെന്ന് അധികൃതര്‍ അറിയിച്ചു.
എല്ലാപേരെയും സു​ര​ക്ഷി​ത​സ്​​ഥ​ല​ങ്ങ​ളിലെ​ത്തി​ക്കാ​നു​ള്ള ര​ക്ഷാ​പ്ര​വ​ര്‍​ത്ത​നം ന​ട​ന്നു​കൊ​ണ്ടി​രി​ക്കു​ക​യാ​ണ്.

ഭ​ക്ഷ​ണ​വും മ​റ്റ്​ അ​വ​ശ്യ സാ​ധ​ന​ങ്ങ​ളും യൂ​നി​വേ​ഴ്​​സി​റ്റി​യി​ലേ​ക്കെ​ത്തി​ക്കു​ന്നു​ണ്ടെ​ന്ന്​ കോ​ണ്‍​സു​ലേ​റ്റ്​ ജ​ന​റ​ല്‍ അ​നു​പം റാ​യ്​ അ​റി​യി​ച്ചു. വി​ദേ​ശ​കാ​ര്യ​മ​ന്ത്രി സു​ഷ​മ സ്വ​രാ​ജ്​ കോ​ണ്‍​സു​ലേ​റ്റ്​ ജ​ന​റ​ലു​മാ​യി സം​സാ​രി​ച്ച​താ​യി ട്വി​റ്റ​റി​ല്‍ അ​റി​യി​ച്ചിരുന്നു.