കുവൈത്ത് ജനതയുടെ ഉന്നതിയ്ക്കും അഭിവൃധിയ്ക്കും ഇന്ത്യന്‍ സമൂഹം പ്രത്യേകിച്ച് കേരളീയര്‍ നല്‍കന്നത് സുത്യര്‍ഹമായ സംഭാവനകളാണന്ന് കുവൈത്ത് പെട്രോളിയം വകുപ്പ് മന്ത്രി അലി അല്‍ ഒമൈര്‍. ശാന്തമായ സ്വഭാവം കൊണ്ട് കുവൈത്തി​ന്റെ ആദരവ് പിടിച്ച് പറ്റിയവരാണ് ഇന്ത്യന്‍ സമൂഹം. ഇന്ത്യന്‍ സഹോദരി സഹോദരന്മാരുടെ പ്രവര്‍ത്തനങ്ങള്‍ വിലമതിക്കാനാവത്തതാണന്ന് അദ്ദേഹം മാധ്യമപ്രവര്‍ത്തകരോട് പറഞ്ഞു. കുവൈത്ത് കേരള ഇസ്ലാഹി സെ​ന്റര്‍ (കെ.കെ.​ഐ.സി) യുടെ മൂന്നാമത് ഇസ്ലാമിക് സെമിനാര്‍ സമാപന സമ്മേളനം ഉദ്ഘാടനം ചെയ്യാനെത്തിയതായിരുന്നു മന്ത്രി.

കുവൈത്തില്‍ കെ.കെ.​ഐ.സി സംഘടന നടത്തുന്ന പ്രവര്‍ത്തനങ്ങളില്‍ ആദ്യമായല്ല ഞാന്‍ പങ്കെടുക്കുന്നത്. ഒരോതവണയും ഉയര്‍ന്ന നിലവാരം പുലര്‍ത്തതുന്നത് കണ്ടുവരാറുണ്ടെന്നും അദ്ദേഹം പറഞ്ഞു. ഇസ്ലാമിനെക്കുറിച്ചും , ഖുറാനെ ആസ്പദമാക്കിയും ചര്‍ച്ചകളും സെമിനാറുകളും നടത്തുന്ന് അഭിനന്ദനാര്‍ഹമാണ്. പെട്രോളിയം മന്ത്രിയെന്ന നിലയില്‍ കുവൈത്ത്-ഇന്ത്യ ഒായില്‍ സഹകരണത്തെക്കുറിച്ച് ചോദിച്ചപ്പോള്‍ , അതെക്കെ രാഷ്ട്രീയ വിഷയമായി കൈകാര്യം ചെയ്യുന്നുണ്ടന്നും അദ്ദേഹം കൂട്ടിചേര്‍ത്തു.