പണം എടുക്കാനെത്തുമ്പോള്‍ എ.ടി.എം. കാര്‍ഡ് മറന്നുപോയോ? എങ്കില്‍ അതിനും പരിഹാരമാവുന്നു. കാര്‍ഡ് ഇല്ലാതെയും 5000 ദിര്‍ഹം വരെ എടുക്കാനുള്ള സംവിധാനം ഒരുക്കുന്നത് യു.എ.ഇയിലെ പ്രമുഖ ബാങ്കുകളിലൊന്നായ റാക് ബാങ്ക് ആണ്.
മൊബൈല്‍ കാഷ് എന്ന് പേരിട്ടിരിക്കുന്ന ഈ പദ്ധതിയില്‍ റാക് ബാങ്കിന്റെ ഏത് എ.ടി.എമ്മില്‍ നിന്നും പണമെടുക്കാം. ബാങ്കിന്റെ മൊബൈല്‍ ബാങ്കിങ് ആപ്ലിക്കേഷന്‍ പ്ലാറ്റ്‌ഫോം വഴിയാണ് ഈ സംവിധാനം ഒരുക്കുന്നത്. ഇതുവഴി പണം എടുക്കാനുള്ള അപേക്ഷ നല്‍കിയാല്‍ ഒരു രഹസ്യ പിന്‍ നമ്പര്‍ എസ്.എം.എസ്. വഴി ലഭിക്കും.

24 മണിക്കൂര്‍ നേരത്തേക്ക് മാത്രമേ ഈ നമ്പര്‍ നിലവിലുണ്ടാവുകയുള്ളൂ. അതിനിടയില്‍ ഇടപാടുകാരനോ അയാള്‍ ചുമതലപ്പെടുത്തുന്ന ആള്‍ക്കോ ഈ നമ്പര്‍ ഉപയോഗിച്ച് 5000 ദിര്‍ഹം വരെ എടുക്കാം.