നിങ്ങള് ചെയ്ത ലൈവ് കണ്ടിട്ടാണോ അതോ പെണ്കുട്ടിയുടെ ബന്ധുക്കള് ആരെങ്കിലും നേരിട്ട് അവിടെ വന്നതാണോ എന്നറിയില്ല,.. എന്തായാലും ആ വിവാഹാലോചന മുടങ്ങി; ഇപ്പോഴേ പിന്നില് നിന്നുള്ള ഈ വിളിയാണെങ്കില് പിന്നീടെങ്ങനെ സഹിക്കും ചേട്ടായീ... പ്രളയത്തില് ഒന്നും നോക്കാതെ മറ്റുള്ളവരെ സഹായിക്കാനിറങ്ങി; ചുമടെടുക്കുന്നത് പെണ്ണിന്റെ വീട്ടുകാര് കണ്ടതോടെ വിവാഹം മുടങ്ങി
കേരളത്തെ തകര്ത്ത പ്രളയത്തിൽ രക്ഷാപ്രവര്ത്തനത്തിന് പോയി ഒരു എയര് ഫോഴ്സ് ഉദ്യോഗസ്ഥന്റെ കല്യാണം മുടങ്ങി. ഏതായാലും വിവാഹം മുടങ്ങിയെന്നും അദ്ദേഹം തന്റെ ഫേസ്ബുക്ക് പോസ്റ്റിലൂടെ പറയുന്നു. വേദനിപ്പിക്കുന്ന അനുഭവമാണ് എയര്ഫോഴ്സ് ഉദ്യോഗസ്ഥനായ മനുവിന് പറയാനുള്ളത്. പ്രളയത്തില് ചുമടെടുക്കുന്നത് പെണ്ണിന്റെ വീട്ടുകാര് കണ്ടു ഇതോടെയാണ് വിവാഹം മുടങ്ങിയത്. മനുവും സംഘവും ആവശ്യ വസ്തുക്കള് മറ്റുള്ളവര്ക്കായി ചുമക്കുന്ന വീഡിയോ നവമാധ്യമങ്ങള് വഴി കണ്ടതാണോ അതോ പെണ്കുട്ടിയുടെ ബന്ധുക്കള് ആരെങ്കിലും നേരിട്ട് കണ്ടതാണോ എന്ന് വ്യക്തമല്ലെന്ന് ഹരി പത്തനാപുരം പറയുന്നു.
ഹരി പത്തനാപുരത്തിന്റെ ഫേസ്ബുക്ക് പോസ്റ്റിലൂടെ...
പ്രളയത്തിന്റെ വിഷമതകളെപ്പറ്റി ധാരാളം കഥകള് മാധ്യമങ്ങളിലൂടെയും അല്ലാതെയും നമ്മള് കേട്ടു. എന്നാല് നിങ്ങളാരും ഇതു വരെ കേള്ക്കാത്ത ഒരു പ്രളയകഥ സൊല്ലട്ടുമാ....
എന്നൊടൊപ്പം ചിത്രത്തിലുള്ളത് airforce ഇല് ഉദ്യോഗസ്ഥനായ മനുവാണ് Manu M Nairഡല്ഹിയിലെ airforce അഡ്മിനിസ്ട്രേഷന് വിഭാഗത്തിലാണ് മനു സേവനം അനുഷ്ഠിക്കുന്നത്.....തിരുവല്ല കവിയൂര് സ്വദേശിയാണ്...മേജര് ഹേമന്ത് രാജിനും ( Hemant Raj മേജര് റാങ്കിലുള്ള സ്കാഡെന് ലീഡര് അന്ഷ.വി.തോമസിനും (Ansha V Thomas)ഒപ്പം പ്രളയ ദുരിതാശ്വാസ പ്രവര്ത്തനങ്ങള്ക്ക് ചെങ്ങന്നൂരില് നേതൃത്വം നല്കിയ മനുഷ്യ സ്നേഹിയാണ് മനു....ഓണം ആഘോഷിക്കാനും സ്വന്തം വിവാഹത്തിന്റെ അവശ്യങ്ങള്ക്കുമായാണ് അവധിയെടുത്ത് മനു നാട്ടില് എത്തിയത്....നാട്ടിലെ പ്രളയദുരിതം കണ്ടപ്പോള് അവധിക്കു വന്ന അവശ്യങ്ങളൊക്കെ മനു മറന്നു....അവധിയില് നില്ക്കുമ്ബോള് ഇത്തരം സഹസികപ്രവര്ത്തനത്തില് ഏര്പ്പെട്ട് എന്തെങ്കിലും സംഭവിച്ചാല് ഔദ്യോഗികമായ പിന്തുണ കിട്ടില്ല എന്ന് പറഞ്ഞ് പലരും നിരുത്സാഹപ്പെടുത്തിയെങ്കിലും മനു വഴങ്ങിയില്ല...
അവധിയിലാണെന്ന് അറിയിച്ചുകൊണ്ട് തന്നെ അനുഷയോടൊപ്പം ഹെലികോപ്റ്റര് ദുരിതാശ്വാസപ്രവര്ത്ഥനങ്ങള്ക്ക് ചുക്കാന് പിടിച്ചു.
വിവാഹത്തിനായി വാക്കാല് ചില ഉറപ്പുകള് കിട്ടിയ പെണ്കുട്ടിയുടെ വീട്ടുകാര് വിളിച്ചപ്പോള് ചെങ്ങന്നൂരില് രക്ഷാപ്രവര്ത്തനത്തില് ആണെന്നറിയിച്ചു.
മാധ്യമങ്ങളായ Prince Pangadan..Shammi Shammy Prabhakar..Deepu revathy S Lallu...Syam Devaraj Meppurathu..Renjith Ramachandran..Ajay Ghosh.shajan scaria നിങ്ങള് ചെയ്ത ലൈവ് കണ്ടിട്ടാണോ അതോ പെണ്കുട്ടിയുടെ ബന്ധുക്കള് ആരെങ്കിലും നേരിട്ട് അവിടെ വന്നതാണോ എന്നറിയില്ല,.. എന്തായാലും ആ വിവാഹാലോചന മുടങ്ങിപ്പോയി....പിന്നീട് അന്വേഷിച്ചപ്പോഴാണ് അറിയുന്നത് ഭക്ഷ്യധാന്യങ്ങളും മറ്റ് അവശ്യവസ്തുക്കളും അടങ്ങിയ ചാക്കുകെട്ടുകള് ചുമന്ന് ഹാളില് വയ്ക്കുന്നതും ,ഹെലികോപ്റ്ററില് തലചുമടായി കൊണ്ട് കയറ്റുന്നതും,മറ്റു കഷ്ടപ്പാടുകളുമൊക്കെ പെണ്ണിന്റെ വീട്ടുകാര് അറിഞ്ഞത്രേ.
Airforce ഇല് അഡ്മിനിസ്ട്രേഷന് വിഭാഗത്തിലാണ് ജോലി എന്നതൊക്കെ വെറുതെയാണെന്നു അവര് കരുതിക്കാണും....ഈ ചുമടെടുപ്പ് തന്നെയാണ് airforce ഇലെ ഓഫീസിലും മനുവിനുള്ളതെന്ന് അവര് തെറ്റിദ്ധരിച്ചു.
നിങ്ങളുടെ യഥാര്ത്ഥ ജോലി അവരെയൊന്നു ബോധ്യപ്പെടുത്തിക്കൂടെ എന്ന് എന്നെ കാണാന് എത്തിയ മനുവിനോട് ഞാന് ചോദിച്ചു.........
'ഞാനൊരു പട്ടാളക്കാരനാണ്.ചിലപ്പോള് ഇത്പോലെയുള്ള
ദുരന്തസ്ഥലങ്ങളിലും യുദ്ധമുഖത്തും ഒക്കെ പോകേണ്ടി വരുകയാണെന്ന് കരുതുക.....ഇപ്പോഴേ
പിന്നില് നിന്നുള്ള ഈ വിളിയാണെങ്കില് പിന്നീടെങ്ങനെ സഹിക്കും ചേട്ടായീ' എന്നായിരുന്നു പാവം മനുവിന്റെ ഉത്തരം.
ജയ് ഹിന്ദ്.
https://www.facebook.com/Malayalivartha