ദയവായി എന്നെ കൊല്ലരുതേ... എല്ലാം വ്യാജ വാര്ത്ത
ദയവായി തന്നെ കൊല്ലരുതെന്ന അപേക്ഷയുമായി പ്രശസ്ത നടന് രാഘവന്റെ മകനും യുവ നടനുമായ ജിഷ്ണു രംഗത്ത്. താന് ക്യാന്സര് ബാധിതനായി ഗുരുതരാവസ്ഥയിലാണെന്ന വാര്ത്ത വ്യാജമെന്ന് ജിഷ്ണു പറഞ്ഞു. ജിഷ്ണു തന്നെയാണ് ഇക്കാര്യം വ്യക്തമാക്കിയത്. സോഷ്യല് മീഡിയയില് പ്രചരിക്കുന്ന വാര്ത്തകള് അടിസ്ഥാനരഹിതമാണെന്ന് ജിഷ്ണു തന്റെ ഫെയ്സ്ബുക്ക് പേജില് പോസ്റ്റ് ചെയ്ത കുറിപ്പില് വ്യക്തമാക്കി. വര്ത്തയ്ക്കൊപ്പം പ്രചരിക്കുന്ന ഫോട്ടോ താന് ഒരു വര്ഷം മുമ്പ് ചികിത്സയിലിരിക്കെ എടുത്തതാണെന്നും ജിഷ്ണു അറിയിച്ചു.
ആശുപത്രി ജീവനക്കാര് എടുത്ത ചിത്രമാണ് പ്രചരിക്കുന്നത്. ഇത്തരം ചിത്രങ്ങള് പ്രചരിപ്പിച്ച് ജനങ്ങളെ തെറ്റിദ്ധരിപ്പിക്കുന്നത് വേദനാജനകമാണ്. താന് എത്രയും വേഗം തിരിച്ചെത്തുമെന്നും ഫെയ്സ്ബുക്ക് കുറിപ്പില് വ്യക്തമാക്കി.
ജിഷ്ണു കിംസ് ആശുപത്രിയില് അതീവ ഗുരുതരാവസ്ഥയില് കഴിയുന്നതായി ചില ഓണ്ലൈന് മാധ്യമങ്ങളില് വര്ത്ത പ്രചരിച്ചിരുന്നു. ഇതിന് പിന്നാലെ സോഷ്യല് മീഡിയയിലൂടെയും വാര്ത്ത പ്രചരിച്ചു. തെറ്റായ വാര്ത്ത പ്രചരിക്കുന്ന സാഹചര്യത്തിലാണ് ജിഷ്ണു തന്നെ വിശദീകരണവുമായി രംഗത്ത് വന്നത്.
ജിഷ്ണുവിന്റെ സിനിമാ രംഗത്ത് നിന്നുള്ള സുഹൃത്തുക്കളും വര്ത്ത നിഷേധിച്ച് രംഗത്ത് വന്നു. ജിഷ്ണുവിന്റെ അസുഖം പൂര്ണ്ണമായി ഭേദമായിട്ടില്ല. അദ്ദേഹം ചികിത്സയുടെ ഭാഗമായി വീട്ടില് വിശ്രമത്തിലാണ്. മറിച്ചുള്ള വാര്ത്തകള് അടിസ്ഥാനരഹിതമാണെന്ന് ജിഷ്ണുവിന്റെ സിനിമാ രംഗത്ത് നിന്നുള്ള അടുത്ത സൃഹൃത്തുക്കള് വെളിപ്പെടുത്തി. അസുഖം ഭേദമായാല് ഉടന് ജിഷ്ണു സിനിമയില് സജീവമാകുമെന്നും സിനിമാ സുഹൃത്തുക്കള് അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha