കൊക്കകോളയിലെ പഞ്ചസാര എത്രത്തോളം ദോഷകരമാണെന്ന് കാണിക്കാന്‍ സ്വയം പരീക്ഷണവസ്തുവായി മാറിയ ആളാണ് ജോര്‍ജ്ജ് പ്രയര്‍. അമേരിക്കയിലെ ലോസാഞ്ചല്‍സുകാരനായ ഇദ്ദേഹം തന്റെ ആരോഗ്യസ്ഥിതിയെക്കുറിച്ച് പറയുമായിരുന്നത്, താന്‍ സൂപ്പര്‍ഫnറ്റ് ആണെന്നായിരുന്നു. ആരോഗ്യകാര്യങ്ങളില്‍ വളരെ ശ്രദ്ധാലുവായതു കൊണ്ടുതന്നെ കൊക്കക്കോളയുടെ ദൂഷ്യഫലങ്ങളെന്തെല്ലാമെന്ന് എല്ലാവര്‍ക്കും മനസ്സിലാക്കിക്കൊടുക്കണമെന്നും ഇദ്ദേഹം തീരുമാനിച്ചു. ഇതാണല്ലോ ദേശീയ പാനീയം എന്ന രീതിയില്‍ പുതിയ തലമുറ അംഗീകരിച്ചിരിക്കുന്നത്.

മനുഷ്യശരീരത്തില്‍ കൊക്കക്കോള ചെലുത്തുന്ന സ്വാധീനം എന്തെന്നു കാണിക്കാന്‍ സ്വയം പരീക്ഷണവസ്തുവാകാനായിരുന്നു തീരുമാനം. ഒരു ദിവസം 10 കാന്‍ കൊക്കക്കോള വീതം തുടര്‍ച്ചയായി 30 ദിവസം കുടിയ്ക്കാന്‍ തീരുമാനിച്ചു. ഒരു മാസം കഴിഞ്ഞപ്പോള്‍ സൂപ്പര്‍ഫnറ്റായിരുന്ന ജോര്‍ജ്ജിന് 13 കിലോ ഭാരം കൂടി.അരക്കെട്ടില്‍ കൊഴുപ്പ് അടിഞ്ഞുകൂടി, മാറിടങ്ങള്‍ക്ക് വലിപ്പം വച്ചു. കുടവയറും ചാടി. കൂടാതെ വീണ്ടും വീണ്ടും കൊക്കക്കോള കുടിയ്ക്കുവാനുളള ത്വരയും കൂടിയത്രേ. രകത്സമ്മര്‍ദ്ദം 145/96 ആകുകയും ചെയ്തു.

കൊക്കക്കോള കൂടിയ്ക്കുന്നതിനൊപ്പം സാധാരണ പോലുളള ഭക്ഷണക്രമം പാലിക്കാന്‍ ശ്രമിച്ചിരുന്നെങ്കിലും കോളകുടിച്ച് വയര്‍ എപ്പോഴും നിറഞ്ഞിരിക്കുമായിരുന്നതിനാല്‍ കാര്യമായ ആഹാരമൊന്നും ആ മാസം കഴിയ്ക്കുവാന്‍ കഴിഞ്ഞിരുന്നില്ല. അതായത് കോളയിലെ ഘടകങ്ങള്‍ മാത്രം കൊണ്ടാണ് ശരീരഭാരം കൂടിയത് എന്നാണ് ജോര്‍ജ്ജ് പറയുന്നത്.

ഒരു മാസത്തിനുശേഷം കൊക്കകോള കുടിയ്ക്കുന്നത് നിര്‍ത്തിയ അഞ്ചു ദിവസംകൊണ്ട് രണ്ടുകിലോഗ്രാമോളം തൂക്കമാണ് കുറഞ്ഞതത്രേ. പ്രമേഹം, ഹൃദയരോഗങ്ങള്‍ എന്നിവ ഉളളവര്‍ കൊക്കക്കോള ഒഴിവാക്കണമെന്നു പറയുന്ന ജോര്‍ജ്ജ് ഇത്രയും പഞ്ചസാര ജനങ്ങളില്‍ അടിച്ചേല്‍പ്പിക്കുന്ന കൊക്കക്കോളയുടെ വിപണനനയത്തെ കുറ്റപ്പെടുത്തുകയും ചെയ്യുന്നു. ജോര്‍ജ്ജിന്റെ പരീക്ഷണത്തെക്കുറിച്ചും ആരോപണങ്ങളെക്കുറിച്ചും കൊക്കകോള കമ്പനി പ്രതികരിച്ചിട്ടില്ല.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha