ഇങ്ങനെയായിരിക്കണം വിവാഹം
വിവാഹത്തിന് എന്തെല്ലാം ആര്ഭാടം കാണിക്കാം എന്നു ചിന്തിക്കുന്നവര്ക്കിടയിലേക്ക് ഇതാ വ്യത്യസ്തമായ ഒരു വിവാഹവാര്ത്ത. വിവാഹ സമയം എല്ലാവരും അടിച്ചു പൊളിക്കും എന്ന കാര്യത്തില് ആര്ക്കും ഒരു തര്ക്കവുമില്ല. അതു പേലെ തന്നെ തന്റെ മകളുടെ വിവാഹം എങ്ങനെ വ്യത്യസ്തമാക്കാമെന്നുള്ള ഒരു പിതാവിന്റെ ചിന്തയില് നിന്നാണ് ഇങ്ങനൊരാശയം എത്തിയത്. വിവാഹത്തിനെത്തുന്നവരെല്ലാം വിവാഹസമ്മാനമായി രക്തദാനവും, അവയവദാനസമ്മതിയും നല്കണം
ഗുജറാത്തിലെ ഡോ. ആര്.ബി ഭേസാനിയ തന്റെ മകളുടെ വിവാഹത്തിനു അതിഥികളെ ക്ഷണിച്ചപ്പോഴേ, വിവാഹ സമ്മാനങ്ങളൊന്നും കൊണ്ടുവരരുതെന്ന് പറഞ്ഞിരുന്നു. എല്ലാവരും രക്തദാനം നടത്തണമെന്നും, മരണശേഷം അവയവദാനം നടത്തുമെന്നതിന് സമ്മതപത്രവും നല്കണമെന്നുമാണ് അദ്ദേഹം ആവശ്യപ്പെട്ടത്. ഇതേകുറിച്ച് ബോധവത്ക്കരണത്തിനായി നിരന്തരം ശ്രമങ്ങള് നടത്തുന്ന ഡോ. ഭേസാനിയ ഇത്തരത്തിലൊരു വിവാഹസമ്മാനം ചോദിച്ചതില് ആര്ക്കും ആശ്ചര്യം തോന്നിയില്ല.
മുന്നൂറ്റിഎഴുപതോളം വരുന്ന അതിഥികള് സന്തോഷത്തോടെ രക്തദാനം നടത്തി. കൂടാതെ ഡോക്ടര്മാരായ വധൂവരന്മാരും അന്ന് രക്തദാനം ചെയ്തു. സ്വര്ണ്ണമോ പണമോ ഒന്നും വിവാഹ വേളയില് മകള്ക്ക് നല്കില്ലെന്ന് തീരുമാനിച്ചിരുന്നുവെന്നും പകരം ഒരു വിവാഹ പ്രതിജ്ഞയാണ് എടുക്കാനാവശ്യപ്പെട്ടതെന്നും ഡോ. ഭേസാനിയ പറഞ്ഞു. പെണ്ഭ്രൂണഹത്യ, പുകയില ഉല്പന്നങ്ങള് എന്നിവയില് നിന്നും അകന്നു നില്ക്കുമെന്നും, രക്തദാനം അവയവദാനം എന്നിവ പ്രോത്സാഹിപ്പിക്കുമെന്നുമാണ് പ്രതിജ്ഞ ചെയ്തത്.
മതസൗഹാര്ദ്ദത്തിന്റെ പ്രതീകമായി മുസ്ലീം സമുദായംഗങ്ങളും ഇതേ വേദിയില് രക്ത ദാനം ചെയ്തു. ഗിന്നസ് ബുക്ക് ഓഫ് വേള്ഡ് റെക്കോര്ഡ്സ്, ലിംകാ ബുക്ക് ഓഫ് റെക്കോര്ഡ്സ് എന്നിവരുടെ ശ്രദ്ധയ്ക്കായി ഈ വിവാഹാവസരത്തെ രജിസ്റ്റര് ചെയ്തിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha