അടുക്കളയില് കയറ്റുന്നില്ല പരാതിയുമായി യുവതി കോടതിയില്
അടുക്കളയില് കയറ്റുന്നില്ല പരാതിയുമായി യുവതി കോടതിയില്. സ്ത്രീധന പ്രശ്നവുമായി ബന്ധപ്പെട്ട് നാത്തൂനും അമ്മായിയും തന്നെ അടുക്കളയില് കയറാന് സമ്മതിക്കുന്നില്ലെന്നും ക്രൂരമായി പെരുമാറുന്നുവെന്നും കാണിച്ച് യുവതി നല്കിയ പരാതി ഡല്ഹി കോടതി തള്ളി. അടുക്കളയില് കയറാന് അനുവദിക്കാത്തതും ദേഷ്യപ്പെട്ട് സംസാരിക്കുന്നതും ക്രൂരതയായി കാണാന് സാധിക്കില്ല എന്നാണ് കോടതി പറഞ്ഞത്.
യുവതിയുടെ പരാതി ഇങ്ങനെ: 2005ല് വിവാഹം കഴിഞ്ഞ് ഏതാനും മാസങ്ങള്ക്കുള്ളില് തന്നെ ഭര്ത്താവും വീട്ടുകാരും സ്ത്രീധന പ്രശ്നം തുടങ്ങി. തന്റെ ആഭരണങ്ങളും വിവാഹ സമയത്ത് ലഭിച്ച സമ്മാനങ്ങളും അവര് എടുത്തു. പിന്നീട് ഒരു ലക്ഷം രൂപയും കൊടുത്തു. എന്നാല് നാത്തൂന് വീണ്ടും പണം ആവശ്യപ്പെടുകയായിരുന്നു. ഇതിന്റെ പേരില് തന്നോട് ക്രൂരമായി പെരുമാറുകയും അടുക്കളയില് കയറുന്നത് വിലക്കുകയും ചെയ്തുവത്രെ. ഇതിന്റെ പേരിലാണ് യുവതി പരാതി നല്കിയത്.
ഷബാന എന്ന യുവതിയുടെ പരാതി അനുസരിച്ച് അവരുടെ ഭര്ത്താവിനും രക്ഷിതാക്കള്ക്കും നാത്തൂനും എതിരെയായിരുന്നു കേസ്. ഐപിസി 498 എ, 406 എന്നിവ അനുസരിച്ചായിരുന്നു ഇവര്ക്കെതിരെ കേസ് റജിസ്റ്റര് ചെയ്തത്. യുവതിയെ അടുക്കളയില് കയറാന് അനുവദിക്കാത്തത് സ്ത്രീധന പ്രശ്നമായി കാണാന് സാധിക്കില്ലെന്നും കേസ് പരിശോധിച്ച ജഡ്ജി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha