സ്തനാര്‍ബുദം കണ്ടെത്തി വളര്‍ത്തുനായ
വടക്കന്‍ ഇംഗ്ലണ്ടിലെ ഒരു വീട്ടമ്മയക്ക് അര്‍ബുദത്തില്‍ നിന്ന് രക്ഷ നേടാന്‍ സാധിച്ചത് തന്റെ വളര്‍ത്തുനായയുടെ ഇടപെടല്‍മൂലം.
ജോസി കോണ്‍ലണ്‍ എന്ന 46 കാരിക്കാണ് ടെഡ് എന്ന വളര്‍ത്തുനായ രക്ഷകനായത്. രണ്ടു വയസ്സുളള ടെഡ് ഒരു ദിവസം അവരുടെ മാറിടത്തില്‍ മാന്തുകയും മൂക്കിട്ടുരയക്കുകയും അസാധരണമായി അവരെ നോക്കി കരയുകയും ചെയ്തു.
ടെഡ് തന്നോട് എന്തോ പറയാനുളള ശ്രമമാണെന്ന് മനസ്സിലാക്കിയ അവര്‍ അവനെ സമാധാനിപ്പിക്കാന്‍ ശ്രമിച്ചുവെങ്കിലും ദയനീയമായി കരച്ചില്‍ തുടര്‍ന്നു. അവസാനം തനിക്ക് എന്തോ കുഴപ്പം പറ്റിയിട്ടുണ്ടെന്ന് സംശയിച്ച അവര്‍ വൈദ്യ പരിശോധന നടത്തി.
കൃത്യസമയമായിരുന്നു അത്. മാറിടത്തില്‍ അതിവേഗം അര്‍ബുദം ബാധിച്ചുകൊണ്ടിരിക്കുകയായിരുന്നു. ഉടന്‍ തന്നെ ചികിത്സയക്കു വിധേയയായതിനാല്‍ അര്‍ബുദം ജീവന് ഭീഷണിയായില്ല. കീമോ തെറാപ്പിക്കു ശേഷം അപകടനില തരണം ചെയ്തുവെന്ന ഡോക്ടര്‍മാരുടെ ഉറപ്പും ലഭിച്ച ജോസി ഇപ്പോള്‍ സന്തോഷവതിയാണ്. ലോകത്തിലെ ഏറ്റവും സ്‌നേഹമുളള നായയാണ് ടെഡ് എന്നു പറയുന്നതില്‍ അവര്‍ സന്തോഷിക്കുന്നു.
ക്രൂരപീഡനം മൂലം ആദ്യ ഉടമയില്‍ നിന്ന് മൃഗസ്‌നേഹികള്‍ രക്ഷപെടുത്തിയ നായയാണ് ടെഡ്. രണ്ടാമത്തെ ഉടമയായ ജോസിയോട് അനിതരസാധാരണമായ അടുപ്പമാണ് ഈ നായ പ്രകടിപ്പിക്കുന്നത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
