വൃത്തിയില്ലാത്ത ടെക്കികളായ ഭാര്യമാരില്‍നിന്നു രക്ഷനേടാന്‍ വിവാഹമോചനത്തിനു കേസു കൊടുത്തിരിക്കുകയാണ് രണ്ടു യുവാക്കള്‍. ഇവരും ടെക്കികളാണ്. വൃത്തിയില്ലാത്ത ഭാര്യമാരുടെ കൂടെ ജീവിക്കാനില്ലെന്നും വൃത്തിയായി നടക്കാന്‍ പറഞ്ഞാല്‍ ഇവര്‍ അനുസരിക്കുന്നില്ലന്നുമാണ് ഭര്‍ത്താക്കന്‍മാരുടെ പരാതി.
കുളിക്കാന്‍ ഭാര്യ തയ്യാറാകുന്നില്ല എന്നതാണ് ഇവരില്‍ ഒരാളുടെ പരാതി. ബംഗളൂരു സ്വദേശിയായ യുവാവാണ് രണ്ടാമത്തെ കേസിലെ പരാതിക്കാരന്‍. കൊല്‍ക്കത്ത സ്വദേശിനിയുമായി 2012ലാണ് ഇയാളുടെ വിവാഹം കഴിഞ്ഞത്. ഭാര്യ കുളിക്കില്ല എന്നു മാത്രമല്ല, അലക്കിയ വസ്ത്രം ധരിക്കുന്നതു ഭാര്യക്ക് ഇഷ്ടമല്ലെന്നും ഇയാള്‍ പരാതിപ്പെടുന്നു. ദുര്‍ഗന്ധത്തെ തുടര്‍ന്ന് ഭാര്യയുടെ അടുത്തുപോകാന്‍ പോലും ഇയാള്‍ക്ക് കഴിയുന്നില്ലെന്നാണ് പരാതി
ഭാര്യയുടെ തലയില്‍ നിറച്ചും പേനാണ് എന്നാണ് മറ്റൊരാള്‍ പറയുന്നത്.2014 ജൂണിലായിരുന്നു ഇവരുടെ വിവാഹം. കോറമംഗലയിലാണ് ഈ മലയാളി ദമ്പതികള്‍ താമസിക്കുന്നത്. ആദ്യരാത്രിതന്നെ പേന്‍ശല്യം ഇവരുടെ ദാമ്പത്യജീവിതത്തെ കുളമാക്കി എന്നാണ് മഹിള സഹായവാണിയിലെ സീനിയര്‍ കൗണ്‍സിലര്‍ സരസ്വതി പറഞ്ഞു.
ഭര്‍ത്താക്കന്മാരുടെ പരാതികള്‍ സത്യമാണെന്ന് ഭാര്യമാര്‍ സമ്മതിച്ചിട്ടുണ്ട്. എന്നാല്‍ വിവാഹമോചനം വേണ്ട, തങ്ങള്‍ ഇനി വൃത്തിയോടെ ജീവിച്ചോളാം എന്നാണ് ഇവര്‍ പറയുന്നത്. ഇതില്‍ ഒരു കേസില്‍ ഉള്‍പ്പെട്ടിട്ടുള്ളത് മലയാളികളാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha