ഹോസ്റ്റലില് താമസക്കാരായ വിദ്യാര്ഥിനികളുടെ നഗ്നചിത്രങ്ങള് അധികൃതര് പകര്ത്തിയതായി ആരോപണം
ഹോസ്റ്റലില് താമസിക്കുന്ന പെണ്കുട്ടികള് സൂക്ഷിക്കുക, നിങ്ങളെ അവര് കാണുന്നുണ്ട്. ഒഡീഷയിലെ കസ്തൂര്ബാ ഗാന്ധി ബാലികാ വിദ്യാലയത്തിലെ ഹോസ്റ്റലിലെ വിദ്യാര്ഥിനികളുടെ നഗ്ന ചിത്രങ്ങള് അധികൃതര് തന്നെ പകര്ത്തിയതായി റിപ്പോര്ട്ട്. സംഭവം വിവാദമായതോടെ സംഭവത്തെക്കുറിച്ച് പോലീസ് അന്വേഷണം ആരംഭിച്ചു. സ്കൂള് അക്കൊണ്ടന്റിന്റെ നേതൃത്വത്തിലാണ് വിദ്യാര്ഥിനികളുടെ നഗ്നചിത്രങ്ങള് പകര്ത്തിയത്.
അക്കൗണ്ടന്റ് ലുലു ഭുയാന പാചകക്കാരന്റെ സഹായത്തോടെ നഗ്നചിത്രം പകര്ത്തിയെന്നാണ് വിദ്യാര്ത്ഥികളുടെ ആരോപണം.ആരോപണം പുറത്തുവന്നതോടെ സ്കൂള് പ്രിന്സിപ്പല് പൊലീസില് പരാതി നല്കി.തുടര്ന്നു നടന്ന അന്വേഷണത്തില് പ്രതിയില് നിന്നും കുട്ടികളുടെ 22 പൂര്ണ നഗ്നചിത്രങ്ങളും കൂടുതല് അര്ദ്ധ നഗ്നചിത്രങ്ങളും പൊലീസ് കണ്ടെടുത്തു. സംഭവത്തില് കുറ്റക്കാരായ പ്രതിയെയും ഇയാളെ സഹായിച്ച ഹോസ്റ്റലിലെ പാചകക്കാരനെയും ജോലിയില് നിന്നും പിരിച്ച് വിട്ടതായി സ്കൂള് അധികൃതര് അറിയിച്ചു.
നഗ്ന ചിത്രങ്ങള് പുറത്ത് വന്നതിനെ തുടര്ന്ന് 60 ഓളം വിദ്യാര്ത്ഥികള് സ്കൂള് ഹോസ്റ്റല് ഉപേക്ഷിച്ചു. സ്കൂള് അധികൃതരുടെ ഒത്താശയോടെയാണ് നഗ്നചിത്രങ്ങള് പകര്ത്തിയെന്നാണ് വിദ്യാര്ഥിനികളുടെ ആരോപണം. സ്കൂളിലെ എസ്.സി, എസ്.ടി, ഒ.ബി.സി. വിഭാഗത്തിലെ ആറ് മുതല് എട്ടുവരെ ക്ലാസിലെ വിദ്യാര്ത്ഥികളാണ് ഹോസ്റ്റലിലുണ്ടായിരുന്നത്. 87 കുട്ടികള് ഉണ്ടായിരുന്ന ഹോസ്റ്റലിലെ 60 ഓളം കുട്ടികള് ഹോസ്റ്റല് ഉപേക്ഷിച്ചതായാണ് കണക്ക്. സംഭവത്തെ തുടര്ന്ന് കുട്ടികളുടെ സുരക്ഷ ഉറപ്പുവരുത്താന് ഒരു വനിതാ കോണ്സ്റ്റബിളിനെ ഹോസ്റ്റലില് നിയമിച്ചിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha